«Qazaqstan temir joly» UK» AQ-nyń 18 788 qyzmetkeri covid-19-ǵa qarsy ekpe aldy. Bul týraly atalǵan kásiporynnyń baspasóz qyzmeti habarlady.
Temirjolshylar iri qalalarda da, tipti shaǵyn stansalarda da koronavırýs ınfeksııasyna qarsy ekpeni belsendi qabyldaýda. Qaraǵandy jolaýshylar tasymaly bólimshesi birinshi klasty Jaryq stansasynyń ujymy «Samuryq-Qazyna» qorynyń bastamasymen portfeldik kompanııalar arasynda «Men ekpe aldym» aksııasyna qosyldy. Osylaısha, stansa kezekshileri, poıyz jáne manevrlik dıspetcherler ekpeniń birinshi komponentin aldy.– Ujym ekpeni túsinistikpen qabyldady. Búgingi tańda vaksınalaý – koronavırýs indetimen kúrestegi jalǵyz tıimdi jáne qoljetimdi qural, – deıdi stansa bastyǵy Ǵalııa Júnisova.Qostanaı lokomotıv paıdalaný deposynyń jóndeýdi baqylaý bóliminiń jas qyzmetkerleri ujymdyq ımmýnıtetti qalyptastyrýǵa óz úlesterin qosty. Jigitter vaksına alyp, áriptesterin koronovırýsqa qarsy ekpeni qabyldaýǵa shaqyrdy. Olar jappaı vaksınalaý ǵana ınfeksııanyń taralýyn toqtatýǵa, densaýlyqty saqtaýǵa jáne qaýipsizdikti qamtamasyz etýge qabiletti ekenine senimdi. Ádette, vaksınalaý óndiristen qol úzbeı, depo men stansalarda jumys isteıtin medısınalyq kabınetterde júrgiziledi. Jalpy, kompanııa qyzmetkerleriniń 70%-yn vaksınalaý josparlanýda.
«Egemen-aqparat»