Batys Qazaqstan oblysy bıylǵy naýryz aıynyń orta sheninen beri koronavırýs taralýy jóninen eń qaýipti «qyzyl aımaq» mártebesinde keledi. Pandemııa bastalǵaly óńirde 21 890 adam vırýs juqtyrǵan bolsa, osy dertten 320 adam qaıtys bolǵan.
– Batys Qazaqstan oblysynda 2021 jyldyń basynan beri koronavırýs ınfeksııasyn juqtyryp, dúnıeden ótkenderdiń sany 152 adam boldy. Onyń ishinde qańtarda – 28, aqpanda – 15, naýryzda – 30, sáýirde 42 ólim tirkeldi. Mamyr aıynyń basynan búginge deıin 37 adam qaıtys bolǵan. Marqumdardyń 80-i – áıel adam, 72-si – er adam. Aýdanda qaıtys bolǵandar sany 18 bolsa, qalada 134 adam dúnıeden ótti, – dedi óńirdegi epıdemııalyq ahýalǵa saraptama jasaǵan oblystyq densaýlyq saqtaý basqarmasy basshysynyń mindetin atqarýshy Arman Qalıbekov.
Marqumdardyń basym kópshiliginde júrek-qan tamyrlary aýrýlary, qant dıabeti jáne basqa da ilespeli sozylmaly derti bolǵan.
Dárigerlerdiń aıtýynsha, dál qazirgi jaǵdaıda 195 naýqasqa arnalǵan 4 karantındik stasıonarda da, 1 123 tósektik oryndyq 18 ınfeksııalyq stasıonarda da, ınfeksııalyq stasıonarlardaǵy 72 reanımasııalyq bólimderde de tósektik oryn jetkilikti.
Oblys boıynsha 1 aqpannan bastap COVID-19 qarsy vaksınalaý bastalǵan bolatyn. Búginge deıin oblysta vaksınanyń 138 560 dozasy kelip túsken, onyń 89 050 dozasy – I komponent, 49 510 dozasy – II komponent.
25 sáýir kúni oblysqa jetkizilgen 2 myń doza (1 myń doza – I komponent, 1 myń doza – II komponent) qazaqstandyq vaksına turǵyndarǵa tolyǵymen egilgen. Sonymen qatar Birikken Arab Ámirlikterinde óndirilgen 45 myń doza Hayat-Vax arab vaksınasy da oblys turǵyndaryna jetkizildi.
Jalpy, oblys boıynsha vaksınanyń I komponentimen 65 547 adamǵa egilgen bolsa, 24 mamyr kúngi málimet boıynsha vaksınanyń II komponentin barlyǵy 27 773 batysqazaqstandyq alyp úlgergen.
Arman Talǵatulynyń pikirinshe, óńirdegi koronavırýsqa qatysty epıdemııalyq ahýal nashar. Infeksııalyq stasıonarǵa aýyr jáne asa aýyr halde túsip jatqan naýqastar azaımaı otyr.
– 1 mamyrdan beri oblysta COVID-19-ben aýyrǵandar sany 2 550 adam boldy. Zerthanalarda 51 870 márte PTR-test ótkizildi, orta eseppen kúnine 2 255 test zerttelýde, – deıdi oblystyq sanıtarlyq-epıdemıologııalyq baqylaý departamenti basshysynyń orynbasary Nurlybek Mustaev.
О́ńirde sońǵy aptada ótken aptamen salystyrǵanda aýrýshańdyq 7,7%-ǵa tómendegen. Biraq bosańsýǵa erte. Sońǵy táýlikte, ıaǵnı 23 mamyr kúni koronavırýs 85 adamnan anyqtalǵan.
1 mamyrdan bastap Batys Qazaqstan oblysyndaǵy memlekettik shekaradan barlyǵy 22 846 adam ótken eken. Onyń ishinde 327 jolaýshynyń COVID-19 anyqtamasy bolmaǵan. Arnaıy stasıonarda jasalǵan test qorytyndysy bir adamda vırýs bar ekenin anyqtaǵan. Al shekaradan kedergisiz ótip, halyqaralyq júk tasymalyn júzege asyratyn 2 191 júrgizýshi de tıisti anyqtamasyz bolyp, olardan PTR ádisimen COVID-19 test alynǵan kezde, 9 adamda oń nátıje kóretken. Monıtorıng toptar 179 reıd júrgizilip, 965 nysan qamtyldy. 22 nysanda quqyq buzýshylyqtar anyqtaldy. 22 hattama toltyrylyp, 962 610 teńgege aıyppul salyndy.
Búgingi tańda Ashyq qosymshasymen oblys boıynsha barlyǵy 391 nysan jumys isteıdi. 1 mamyrdan bastap Ashyq jobasyna qatysatyn nysandarda «sary/qyzyl» mártebesi bar 136 adam anyqtalǵan.