Mańǵystaý oblysynyń Beıneý aýdanyndaǵy aýylda eki mektep oqýshylary arasynda tóbeles boldy, dep habarlaıdy Egemen.kz.
Oblystyq polısııa departamenti baspasóz qyzmetiniń habarlaýynsha 25 mamyr kúni saǵat 11.00-de Beıneý aýdanynyń Beıneý aýylynda J.Qaldyǵaraev jáne Y. Altynsarın atyndaǵy mektep oqýshylary arasynda tóbeles boldy. Oqıǵa ornynda 7 adam ustalyp, mán-jaıdy anyqtaý úshin polısııa bólimshesine jetkizildi. Atalǵan fakti boıynsha sotqa deıingi tergeý júrgizilip jatyr.
Esterińizge sala keteıik, mektepterdegi sońǵy qońyraýǵa baılanysty polısııa kúsheıtilgen qyzmet kórsetý rejımine kóshti.
Mańǵystaý oblysynyń polısııa departamenti túlekterdiń ata-analaryna kámeletke tolmaǵan balalar úshin jaýapkershiliktiń bar ekendigin eskertedi jáne osy kúni mektep oqýshylaryn qadaǵalaýdy kúsheıtýge shaqyrady.