FRANSÝZ DEPÝTATYMEN ÁŃGIME

Partııanyń Ortalyq apparaty keńsesinde “Nur Otan” partııasy Tóraǵasynyń birinshi orynbasary Nurlan Nyǵmatýlın Fransııa Res­pýblıkasy Parlamenti Ulttyq Assambleıasynyń depýtaty, “Ha­lyq qozǵalysy úshin odaǵy” par­tııa­synyń halyqaralyq ister jónin­degi ókiletti ókili Terrı Marıanımen kezdesti, dep habar­la­dy osy par­tııa­nyń baspasóz qyzmeti. Kezdesý barysynda Nurlan Nyǵmatýlın partııa jumysynyń basym baǵyttary týraly, Qazaq­stan Respýblıkasynyń Prezı­denti, “Nur Otan” partııasynyń Tóraǵasy Nursultan Nazarbaevtyń partııanyń aldyna qoıǵan maqsat-mindetteri jaıly baıandady. Taraptar basqarýshy eki par­tııanyń: “Nur Otan” halyq­tyq-demokratııalyq partııasy men “Ha­lyq qozǵalysy úshin odaǵy” partııa­sy arasynda jaqyn qarym-qatynas ornaǵanyn atap ótti. Aıtalyq, partııalar arasynda Yn­ty­maqtastyq týraly memo­randýmǵa qol qoıyldy, eki partııa da múshe­si sanalatyn Ortalyqtan­dyrylǵan ınterna­sıonal demokratııalyq par­tııalar atqarýshy komıteti aıasynda belsendi is-áreket tany­typ keledi.  Sondaı-aq, bolashaqta júze­ge asyrylatyn basym baǵyt­tar sóz bolyp, eki jaq­ty árip­testiktiń odan ári kezeńmen damı beretinine senim bildirildi. О́z kezeginde T.Marıannı Qazaqstannyń Ortalyq Azııadaǵy saıası turaqtylyqty, EQYU keńis­tiginde qaýipsizdikti nyǵaıtýdaǵy mańyzdy rólin atap ótti.