Qazgıdromet 26 mamyrǵa arnalǵan aýa raıy boljamyn jarııalady, dep habarlaıdy Egemen.kz.
Qazaqstan terrıtorııasynyń basym bóliginde atmosferalyq frontaldy bólikterdiń ótýine baılanysty qubylmaly aýa raıy kútiledi. Keı jerlerde naızaǵaımen ótkinshi jańbyr jaýady.
Respýblıkanyń keı jerlerinde daýyl, shańdy daýyl, jeldiń kúsheıýi kútiledi, ońtústik-shyǵysta, soltústikte burshaq jaýýy yqtımal.
Soltústik Qazaqstan oblysynyń keı jerlerinde daýyl, jeldiń kúsheıýi 23-28 m/s kútiledi. Túrkistan, kúndiz Qostanaı oblystarynyń keı jerlerindy shańdy daýyl bolady.
Jambyl, Pavlodar, kúndiz Aqmola oblystarynyń keı jerlerinde jel 15-20 m/s, kúsheıedi, kúndiz burshaq jaýýy yqtımal.
Batys Qazaqstan, Qyzylorda, Mańǵystaý, Aqtóbe, Qaraǵandy oblystarynyń keı jerlerinde jel 15-20 m/s kúsheıedi.
Kúndiz Almaty, Qyzylorda, Atyraý, Aqtóbe, Qostanaı, Aqmola, Soltústik Qazaqstan, Pavlodar, Qaraǵandy oblystarynda qatty ystyq bolady.
Qyzylorda, Aqtóbe oblystarynyń basym bóliginde, Shyǵys Qazaqstan, Qaraǵandy oblystarynyń keı jerlerinde, Almaty, Jambyl, Atyraý, Batys Qazaqstan, Qostanaı, Pavlodar oblystarynyń jekelegen aýdandarynda óte joǵary órt qaýpi kútiledi.