AQSh pen Reseı prezıdentteri Djo Baıden men Vladımır Pýtın 16 maýsymda Jenevada júzdesedi. Prezıdent Baıden memleket basshysy qyzmetine kiriskeli beri alǵash ret Pýtınmen kezdesedi, dep habarlaıdy Egemen.kz zakon.kz saıtyna silteme jasap.
Iri ıadrolyq derjavalar basshylarynyń kezdesýi týraly málimetti Vashıngton men Máskeý bir ýaqytta jarııalady, dep jazady centralasian.org.
Baıden men Pýtın Reseı-AQSh qarym-qatynasyn, strategııalyq turaqtylyq máselelerin, koronavırýs pandemııasymen kúres, aımaqtardaǵy janjaldardy retteý joldaryn talqylaıdy.
Dúısenbi kúni AQSh ulttyq qaýipsizdik jónindegi keńesshi Djeık Sallıvan men Reseı Qaýipsizdik keńesiniń basshysy Nıkolaı Patrýshev ózara keńeskeni málim boldy. Olardyń birlesken málimdemesinde taraptar ózara qarym-qatynastyń jaqsarýyna múddeli ekeni aıtylǵan.
Sammıt ótkizý týraly usynysty Baıden sáýirde Pýtınmen telefon arqyly sóılesken kezde aıtqan. Sol kezde eki el arasynda dıplomatııalyq janjal ýshyǵyp turǵan edi.