Elordalyq órt sóndirýshiler terek mamyǵynyń janýyna baılanysty bir táýlikte 53 ret órtti sóndirgen, dep habarlaıdy Egemen.kz.
«Qazgıdromet 25-26 mamyrda qaladaǵy aýa temperatýrasynyń 36 gradýsqa deıin kóteriletinin eskertti. Qaladaǵy qurǵaq ystyq kún raıynan órt qaýpi kúsheıe túsedi. Sonymen birge, terekter mamyǵy jaǵdaıdy kúrdelendire túsken. Tirkelgen oqıǵalardyń kópshiligi adam kinásinen bolǵan. Bir ǵana 24 mamyrda Nur-Sultan qalasy Tótenshe jaǵdaılar departamentiniń О́rt sóndirý bólimsheleri terek mamyǵynyń janýyna baılanysty 53 ret órt oryndaryna shyqty», dedi qalalyq TJ Departamenti memlekettik órt baqylaý basqarmasynyń basshysy Erkin Otarǵalymuly.
Halyqtyń otty abaısyz paıdalanýy, temekiniń, sirińkeniń shalasy órtke ákep soqtyqtyrady. Sondaı-aq balalar da qyzyq úshin terek mamyǵyn órtep jiberedi.
TJ departamenti terek mamyǵy órtin boldyrmaý jáne azaıtý maqsatynda kommýnaldyq qyzmetterdiń, páter ıeleri kooperatıvteriniń aýlalardy, trotýarlardy, sondaı-aq ottyń tez taralý qabiletine baılanysty terek mamyǵy jınalatyn basqa da oryndardy tazalaý jumystaryn kúsheıtý qajettigin eskertedi.