Elordadaǵy Fýtbol úıinde 2021 jylǵy Qazaqstan kýbogynyń toptyq kezeńiniń jerebesi tartyldy.
Bıylǵy maýsymnan bastap fýtboldan Qazaqstan kýbogynyń formaty ózgergeni belgili. Buryn ár kezeńde qarsylastar jerebe arqyly anyqtalyp otyratyn bolsa, osy jyldan bastap alǵash Birinshi jáne Ekinshi lıga ókilderi ózara irikteý oıyndaryn ótkizip, toptyq kezeńge ózgelerden myqty bolǵan eki komanda joldama aldy. Irikteý qorytyndysy boıynsha, №8 BJMORSM jáne «Maqtaaral» komandalary toptyq kezeńde baq synaıtyn boldy. Atalǵan eki klýb el chempıonatynyń 14 ókiline qosylyp, 4 topqa bólindi.
Jerebe qorytyndysy boıynsha, tórt topta myna komandalar oınaıtyn boldy:
«A» toby: «Shahter», «Ordabasy», «Qyzyl-Jar», №8 BJMORSM;
«V» toby: «Tobyl», «Taraz», «Atyraý», «Maqtaaral»;
«S» toby: «Astana», «Qaısar», «Aqtóbe», «Aqjaıyq»;
«D» toby: «Qaırat», «Jetisý», «Kaspıı», «Turan».
Ár komanda topta 6 oıyn ótkizedi («úıde» jáne «qonaqta» formaty boıynsha). Toptyń eki úzdik komandasy týrnırdiń ¼ fınalyna shyǵady. Qazaqstan kýbogynyń toptyq kezeńindegi oıyndar 10 shildede bastalady.