Sınoptıkterdiń boljaýynsha, búgin Qazaqstan terrıtorııasynyń basym bóliginde atmosferalyq aýa aǵyndardyń ótýine baılanysty qubylmaly aýa raıy kútiledi. Keı jerlerde naızaǵaı men ótkinshi jańbyr jaýady, dep habarlaıdy Egemen.kz.
Respýblıkanyń keı jerlerinde daýyl, jeldiń kúsheıýi kútiledi, burshaq jaýýy yqtımal, ońtústikte shańdy daýyl bolady. Soltústik Qazaqstan oblysynda jeldiń kúsheıýi 15-20, ekpini 23-28 m/s jetedi.
Pavlodar, Jambyl, Shyǵys Qazaqstan, Qaraǵandy oblystarynyń keı jerlerinde jeldiń ekpini 25 m/s bolady dep kútiledi, burshaq jaýýy yqtımal.
Qaraǵandy oblysynda kúndiz daýyl bolady. Aqmola, Qostanaı oblystarynda daýyl, jeldiń ekpini 25 m/s deıin kúsheıedi.
Túrkistan oblysynyń keı jerlerinde daýyl bolady.
Mańǵystaý, Qyzylorda, Atyraý, Batys Qazaqstan, Almaty, Aqtóbe oblystarynyń keı jerlerinde jel kúsheıedi, Mańǵystaý oblysynda túnde jáne tańerteń tuman bolady, kúndiz Qyzylorda oblysynda shańdy daýyl kútiledi.
Kúndiz Almaty, Qyzylorda, Atyraý, Aqtóbe, Shyǵys Qazaqstan oblystarynda qatty ystyq kútiledi.
Qyzylorda, Aqtóbe, Shyǵys Qazaqstan, Qaraǵandy oblystarynyń keı jerlerinde, Almaty, Jambyl, Atyraý, Batys Qazaqstan, Qostanaı, Pavlodar oblystarynyń jekelegen aýdandarynda óte joǵary órt qaýpi kútiledi.