Astana qalasynda Instagram áleýmettik jelisi arqyly qosymsha tabys tabý syltaýymen 2000 dollar kólemindegi syıaqy úshin qylmys jasaýǵa kelisken azamatqa qatysty sot úkimi shyǵaryldy, dep habarlaıdy Egemen.kz.
Tergeý materıaldaryna sáıkes, elorda turǵyny úı ishinde adamdardyń bolǵanyna qaramastan, óz áreketiniń saldaryn tolyq túsine otyryp, aldyn ala daıyndalǵan janǵysh qurylǵylardy turǵyn úıge qaraı laqtyrǵan. Bul áreket azamattardyń ómiri men densaýlyǵyna naqty qaýip tóndirgen.
Sot ony bótenniń múlkin qasaqana joıýǵa oqtalǵany úshin kináli dep tanydy. Buǵan deıingi ótelmegen sottylyǵyn eskere otyryp, sot túpkilikti 3 jyl 6 aı merzimge bas bostandyǵynan aıyrý jazasyn taǵaıyndady.
Túrkistanda kópqabatty turǵyn úı janyndaǵy dúken órtendi
Qala prokýratýrasy áleýmettik jeliler arqyly usynylatyn kúmándi qosymsha tabys túrindegi zańsyz áreketterge qatysý qylmystyq jaýapkershilikke ákeletinin eskertedi. Vedomstvo mundaı usynystarǵa kelisý tek quqyqbuzýshylyqqa ǵana emes, ózge azamattardyń ómiri men qaýipsizdigine de tikeleı qaýip tóndiretinin atap ótti.