Elimizde 2023-2024 jyldar aralyǵynda oqýdan shyǵarylǵan tulǵalarǵa qaıta grant berilip, 85 mıllıon teńgeden astam qarjy negizsiz jumsalǵan. Bul týraly Májiliste Qazaqstannyń Joǵary aýdıtorlyq palatasy jarııa etti, dep habarlaıdy Egemen.kz.
Vedomstvo málimetinshe, joǵary bilim salasynda birqatar júıelik máseleler bar. Joǵary aýdıtorlyq palata múshesi Tilegen Qaskınniń aıtýynsha, salada turaqty ári strategııalyq damý logıkasy qalyptaspaǵan.
«2023-2024 jyldary memlekettik tapsyrys qarajatynyń tek 40%-ǵa jýyǵy ortalyq operator arqyly ótip, qalǵan bóligi biryńǵaı esep júıesinen tys bólingen. Jumyspen qamtý deńgeıi tómen 67 joǵary oqý ornyna 246 grant bólingeni jáne buryn oqýdan shyǵarylǵan tulǵalarǵa qaıta grant berý boıynsha 85 mln teńgeden astam somaǵa qatysty 33 jaǵdaı anyqtalǵan», dedi Tilegen Qaskın.
230 myń dollar jymqyrǵan býhgalter Grekııadan ekstradısııalandy
Joǵary aýdıtorlyq palata múshesiniń sózinshe, 2022-2024 jyldar aralyǵynda 24 myńǵa jýyq stýdent oqýdan shyǵarylǵan, olardyń oqýyna bıýdjetten 19,6 mlrd teńge jumsalǵan. Sonyń 10 myńyna qatysty qarjy týraly tolyq málimet joq. Sonymen qatar magıstratýraǵa qaıta túsý arqyly eńbek óteý mindettemesinen jaltarý jaǵdaılary baıqalǵan, bul baǵyttaǵy yqtımal shyǵyn 10,8 mlrd teńgege baǵalanǵan.
ShQO-da dárigerlerge negizsiz qarjy tólengen
Aýdıt nátıjesinde «Bolashaq» baǵadarlamy boıynsha 151 stıpendııa bekitilgen lımıtten tys taǵaıyndalǵany anyqtalǵan.