Almaty qalasynda Abdolla Rozybakıev kóshesin aqyn Muhtar Shahanovtyń atyna ózgertý týraly usynys qoǵamda túrli pikir týǵyzdy. Bul bastamaǵa qarsy pikir bildirgen azamat áleýmettik jelide beınejazba jarııalap, Shahanovty «Jeltoqsan oqıǵasyna qatysty búlikshilerdi jaqtaǵan tulǵa» dep sıpattaǵan. Onyń aıtýynsha, Abdolla Rozybakıev – Qazaqstannyń damýyna eleýli úles qosqan tulǵa, sondyqtan kósheni basqa esimmen ataý orynsyz sheshim bolýy múmkin, dep habarlaıdy Egemen.kz.
Atalǵan vıdeo áleýmettik jelide taraǵannan keıin advokat Meıirman Shekeev bul pikirdi synǵa alyp, quqyqtyq shara qoldanatynyn málimdedi. Onyń aıtýynsha, ulttyq qundylyqtar men tarıhı tulǵalardyń esimin qorlaýǵa jol berilmeýi tıis.
Buǵan deıin qoǵam belsendileri kóshege Muhtar Shahanovtyń esimin berý týraly petısııa jarııalaǵan bolatyn. Qazirgi tańda ony shamamen 10 myńǵa jýyq adam qoldaǵan.
Aıda Balaeva Muhtar Shahanovtyń nege Arystan bab kesenesine jerlenbeıtinin túsindirdi
Aıta keteıik, Muhtar Shahanov 84 jasqa qaraǵan shaǵynda 19 sáýir kúni dúnıeden ótti. Sońǵy jyldary aqyn densaýlyǵyna baılanysty birneshe márte em qabyldaǵan edi.