2021 jyldyń I toqsanynda Qazaqstandaǵy jumyssyzdar sany ótken jyldyń IV toqsanymen salystyrǵanda 1,7 myń adamǵa azaıdy, dep habarlaıdy Egemen.kz Eńbek mınıstrligine silteme jasap.
Koronavırýs pandemııasy kezeńinde shekteý sharalaryna qaramastan, Qazaqstanda jumyssyzdyq deńgeıiniń ósýi tirkelgen joq.
Máselen, 2021 jyldyń I toqsanynda jumyssyzdyq deńgeıi 4,9%-dy qurady, bul ótken jyldyń sáıkes kezeńindegi kórsetkishten 0,1%-ǵa joǵary.
Salystyrý úshin, pandemııa kezeńinde damyǵan elderde jumyssyzdyq deńgeıiniń kúrt ósýi baıqaldy: AQSh-ta 8,1%-ǵa deıin (+4,4%), Kanadada 9,6%-ǵa deıin (+3,9%), Ispanııada 15,5%-ǵa deıin (+1,4%.).
Sonymen qatar aǵymdaǵy jyldyń I toqsanynda Qazaqstanda jumyspen qamtý ekonomıkanyń barlyq salalarynda qalpyna keltirildi, ósim orta eseppen 1,8%-dy qurady.
QR Úkimeti qabyldaǵan daǵdarysqa qarsy josparly sharalar pandemııanyń eńbek naryǵyna saldaryn teńestirýge múmkindik berdi.
Tek 2020 jyly memlekettik baǵdarlamalardy iske asyrý sheńberinde jumyspen qamtýdyń túrli sharalarymen 1,4 mln-nan astam qazaqstandyq qamtyldy.
Aǵymdaǵy jyly halyqty jumyspen qamtý boıynsha keshendi jumys jalǵasatyn bolady.
Jumys izdeýde qıyndyq kórip júrgen qazaqstandyqtar halyqty jumyspen qamtý ortalyqtaryna júgine alady, jumyssyz retinde tirkelip, jumysqa ornalasýda bilikti kómek ala alady.