Esirtki qylmysynyń sany 11%-ǵa ósken. QR Bas prokýratýrasynyń qylmystyq qýdalaý qyzmetiniń bastyǵy Serik Shalabaev Ortalyq kommýnıkasııalar qyzmetinde ótken brıfıngte esirtki bıznesi burynǵydaı emes ekenin aıtty, dep habarlaıdy Egemen.kz.
Spıkerdiń aıtýynsha, qazir tutynýshymen tikeleı baılanys joq. О́tkizý onlaın formatqa kóshken.
«О́tken jyly esirtki quraldaryn nasıhattaý nemese jarnamalaý úshin qylmystyq jaýapkershilik engizildi. Endi polısııa tek qabyrǵalardaǵy graffıtıdi boıaýmen jáne ınternet-saıttardy buǵattaýmen shektelmeıdi. Bul úshin zańsyz áreketterdi jarnamalaıtyn adamdar belsendi túrde jaýapqa tartyla bastady. Alaıaqtyq sany artty. Bul ınternettegi alaıaqtyq esebinen boldy. Bul kórsetkish 2,5 ese ósti. Olar alaıaqtyqtyń jalpy sanynyń 53%-yn quraıdy. О́tken jyly 33% boldy. Bul jerde eki sebep bary anyq, birinshiden, kommýnıkasııalar men qyzmetterdiń kóbi elektrondyq formatqa kóshti, ekinshiden, azamattarymyzdyń sengishtigi», dep atap ótti spıker.
Internette telefonda «bir túımeni» basyp onlaın nesıe beriletini týraly jarnama óte kóp. Alaıaqtar osyny paıdalanady.
«Biz bul máselelerdi Bas prokýrordyń tóraǵalyǵymen Quqyq qorǵaý organdarynyń úılestirý keńesinde qarastyrdyq. Bankter men retteýshilerdi shaqyryp, olarǵa qylmystyń ósýine baılanysty jaǵdaıdy jetkizdik jáne klıentterdiń qaýipsizdik tetikterin kúsheıtýdi usyndyq. Bul usynystar búginde júzege asyrylýda. Aǵymdaǵy jyldyń sáýir aıynan bastap elektrondyq tásilmen shaǵyn nesıeler berý talaptary kúsheıtildi», dedi qadaǵalaý vedomstvosynyń ókili.