Túrkistan oblysynyń taýlarynda joǵalǵan eki týrıstiń denesi tabyldy, dep habarlaıdy Egemen.kz.
«29 mamyr kúni saǵat 00:30-da úzdiksiz izdestirý jumystarynyń barysynda О́gem ózeninen bir adamnyń jansyz denesi tabyldy. Ol 1999 jyly týǵan taýda joǵalyp ketken týrıster tobynyń biri ekeni anyqtaldy. Ekinshi jigittiń denesi búgin О́gem ózeninen 3 shaqyrym jerden tabyldy», dep habarlady TJM resmı ókili Talǵat Ýálı.
Jigitterdiń denesi «Qazavıaqutqarý» AQ MI-171 tikushaǵymen Shymkent qalasyna jóneltildi.
Qalǵan eki adamdy izdestirý jumystary jalǵasýda.
Jerdegi izdestirýdi qutqarýshylar, polısııa qyzmetkerleri, shekara qyzmetiniń at patrýli, ulttyq park qyzmetkerleri jáne joǵalǵandardyń týystary júrgizýde. Sondaı-aq, áýeden izdeý úshin QR TJM «Qazavıaqutqarý» AQ eki borty jumys isteýde.
Atalǵan fakti boıynsha Túrkistan oblysynyń polısııa departamenti sotqa deıingi tergeýdi bastady. Saraptamalar taǵaıyndaldy, olardyń nátıjeleri boıynsha ólimniń sebebi anyqtalatyn bolady.
Eske sala keteıik, Tólebı aýdanynyń Saıram-О́gem memlekettik ulttyq tabıǵı parkiniń aýmaǵynda 7 adamnyń joǵalǵany týraly habarlama 2021 jylǵy 25 mamyrda 18 saǵat 30 mınýtta kelip tústi. Olardyń úsheýi keshe tabylǵan bolatyn.