Búgin saıası qýǵyn-súrgin qurbandaryn eske alý kúnine oraı О́skemen shaharynda kórnekti aqyn, Alash qaıratkeri Shákárim Qudaıberdiulynyń bıýsti ashyldy, dep habarlaıdy Egemen.kz.
Aıta ketsek, О́skemende bul Alash qaıratkerlerine qoıylǵan alǵashqy músin. Bıýst qaladaǵy Shákárim atyndaǵy №1 mekteptiń aldyna ornatyldy. Sanıtarlyq talaptardy saqtaı otyryp uıymdastyrylǵan sharaǵa Shyǵystyń zııaly qaýymymen qatar, qala basshylyǵy da qatysty.
«Asan bolyp týyp qazaqtar, óledi Asan qaıǵy bolyp» deıdi. Mine, bir ǵasyr ótip ketti. Áli kúnge deıin jylaǵymyz keledi. Bul degen úlken qasirettiń sıntezi. Shákárim týraly túgendep aıtpaı-aq qoıaıyn. Biz Táýelsizdiktiń kemshilikterine kóp toqtalamyz. Basty jetistigimiz, erkin sóıleımiz, erkindikke qolymyz jetti. Osyny biz kóp jaǵdaıda eskere bermeımiz. Aryǵa barmaı-aq qoıaıyn, osydan otyz jyl buryn О́skemende repressııa qurbandaryn izdegendi qoıyp, kóshede qazaqsha sóıleýge zar edik. Úıde kórpeniń astynda kúbirlep, qazaq ekenimizdi aıtatynbyz. Shákárimniń músini ornap jatyr eken, bul Táýelsizdiktiń arqasy», dedi jazýshy Álibek Qańtarbaev saltanatty jıynda.
Músinniń boı kóterýine muryndyq bolǵan mekteptiń dırektory Ádil Saılaýbekuly. Usynysty qamqorshylyq keńes qoldap, demeýshilerdiń kómegimen uly tulǵanyń bıýsti soǵyldy.
Eskertkishtiń avtory Shyǵystyń belgili sýretshisi, músinshi Erkebulan Jákishov.