Kentaý qalasy ákiminiń ókimimen qala ákimdigi apparatynyń basshysy bolyp Amalbek О́mirtaı Dárkenuly taǵaıyndaldy, dep habarlaıdy Egemen.kz Kentaý qalasy ákiminiń baspasóz qyzmetine silteme jasap.
Ekonomıst Amalbek Dárkenuly eńbek jolyn 2017 jyly QR Ulttyq ekonomıka mınıstrligi Halyqaralyq yntymaqtastyq departamentinde sarapshy bolyp bastaǵan.
Ol 2018-2019 jyldary Almaty memlekettik servıs jáne tehnologııalar koledji dırektorynyń aqparattyq tehnologııalar jáne ishki baqylaý máseleleri boıynsha dırektor orynbasary, 2019-2020 jyldary «Áleýmettik-kásipkerlik korporasııasy «Túrkistan» AQ-nyń «Turkistan Invest» fılıaly eksportty ilgeriletý ortalyǵynyń jetekshisi, 2020-2021 jyldary aralyǵynda Túrkistan oblysy qoǵamdyq damý basqarmasynyń «Jastar resýrstyq ortalyǵy» KMM-niń basshysy qyzmetterin atqarǵan.
Sondaı-aq Amalbek Dárkenuly Túrkistan oblysy máslıhatynyń VII shaqyrylymynyń depýtaty.