Ár kez sanǵa emes, sapaǵa júginetin Qazaqstannyń aýyr atletteri bul joly da óz jankúıerlerin qýantty. Kúni keshe ǵana Tashkentte ótken jasóspirimder arasyndaǵy álem birinshiligine nebári jeti sportshymyz ǵana qatysyp, solardyń altaýy elge oljaly oraldy. Anyqtap aıtsaq, atalǵan jarysta jerlesterimiz 3 altyn, 2 kúmis jáne 1 qola medaldy ıelendi.
Alǵashqy bolyp óz jankúıerlerin 55 kılo salmaqta óner kórsetken Abylaı Áýelhanov qýantty. Byltyr Perý astanasy Lımada uıymdastyrylǵan Álem kýbogynda top jaryp, bıyl eresekter arasyndaǵy el chempıonatynyń bas júldesi men Azııa birinshiliginiń kúmis medalin ıelengen jas órenimizdiń Tashkenttegi tabysy da tolaǵaı boldy. Qossaıys qorytyndysy boıynsha 248 (108+140) kılolyq ziltemirdi kótergen qazaqtyń altyn asyqtaı uly qarsylastarynyń barlyǵynan qara úzip ketti. Abylaı ekinshi orynǵa taban tiregen ózbekstandyq Oǵabek Nafazovtan baqandaı 15 kılo artyq salmaqty eńserdi.
61 jáne 67 kılo salmaq dárejelerinde synǵa túsken Alekseı Drozdov pen Aqmolda Saıramkez kúmis medaldy moıyndaryna ildi. Alekseıdiń nátıjesi – 282 (128+154) kılo. Ol ıtalııalyq Serjıo Massıdadan qalyp qoıdy. Apennın túbeginen kelgen tastúlektiń kórsetkishi – 285 (129+156) kılo. Al Aqmoldanyń basty básekelesi tym myqty boldy. Qansha talpynǵanymen, qandasymyz Fýrkan Muhammed О́zbekten oza almady. Túrkııanyń tastúlegi 317 (141+176) kılolyq batpan temirdi tik kóterse, bizdiń jigit 308 (132+176) kılomen shekteldi.
102 kılo salmaqta kúsh synasqan Rahat Bekbolatqa aıryqsha senim artylǵany belgili. 2019 jyly ol jasóspirimderdiń álem jáne Azııa birinshilikterinde altyn tuǵyrǵa kóterilse, byltyr Álem kýbogynda dara shyǵyp qana qoımaı, rekordty da jańartty. Sol jarystardyń birinde soǵan deıin Ilıa Ilın kórsetken nátıjeden asyp túsken qazaqtyń nar tulǵasy uly kópshiliktiń qoshemetine bólendi. Bıyl eresekterdiń Azııa chempıonatynda da Rahat aldyna jan salmady. Bul joly da qandasymyz ózine artylǵan senimdi tolyǵymen aqtady. Qossaıys qorytyndysy boıynsha 377 (175+202) kılony eńsergen Bekbolat bas júldeni qanjyǵasyna baılady. Syr boıynyń saıypqyrany ekinshi oryndy ıelengen bolgarııalyq Vasıl Marınovtan jeti kılo artyq salmaq kóterdi. Úshinshi orynǵa taban tiregen grýzııalyq Zaza Lomtadzeniń kórsetkishi – 351 kılo.
Qyzdar arasynda Gúlnur Ybyraı (64 kılo) men Aısamal Sansyzbaeva (+87 kılo) óner kórsetti. Gúlnur rýmynııalyq Larýcha-Andrea Olarý men ıtalııalyq Djýlııa Mıserendınodan qalyp qoıyp, qola medaldi qanaǵat tutty. Al Aısamal altynnan alqa taqty. Buǵan deıin de óz qurbylary arasynda ótken talaı dúbirli dodada daralanǵan qazaq qyzy qossaıys qorytyndysy boıynsha 258 (113+145) kılolyq ziltemirdi eńserip, bas júldeni oljalady. Ekinshi orynǵa taban tiregen Reseı sportshysy Vıktorııa Orlova odan baqandaı 23 kılo kem kóterdi.
Osylaısha, tórt medalǵa (2 altyn, 2 kúmis) ıelik etken Qazaqstannyń uldar quramasy jalpykomandalyq esepte birinshi oryndy oljalady. Eki júldeni (1 altyn, 1 qola) qorjynǵa salǵan qyzdarymyz altynshy orynǵa taban tiredi. Al bóriktiler men burymdylardyń nátıjelerin qosa alǵanda, tórtkúl dúnıede bizdiń órenderge teń keler eshkim tabylmady.
Álem birinshiliginiń jeńimpazdary
Uldar: 55 kılo – Abylaı Áýelhanov (Qazaqstan), 61 kılo – Serjıo Massıda (Italııa), 67 kılo – Fýrkan Muhammed О́zbek (Túrkııa), 73 kılo – Rızkı Djýnınsıah (Indonezııa), 81 kılo – Muhammadqadyr Toshtemırov (О́zbekstan), 89 kılo – Týdor Bratý (Moldova), 96 kılo – Garık Karapetıan (Armenııa), 102 kılo – Rahat Bekbolat (Qazaqstan), 109 kılo – Hrısto Hrıstov (Bolgarııa) jáne +109 kılo – Enzo Kofı Kývrog (Nıderland).
Qyzdar: 45 kılo – Kansý Bektas (Túrkııa), 49 kılo – Kantıka Vındı Aısah (Indonezııa), 55 kılo – Kamıla Konotop (Ýkraına), 59 kılo – Gofran Belhır (Túrkııa), 64 kılo – Larýcha-Andrea Olarý (Rýmynııa), 71 kılo – Lıýnn Olıvıa Revers (AQSh), 76 kılo – Lana Sotıeva (Reseı), 81 kılo – Lıana Gıýrdjıan (Armenııa).
Uldar saıysynda
úzdik shyqqan komandalar
Komandalar
Altyn
Kúmis
Qola
1.
Qazaqstan
2
2
0
2.
О́zbekstan
1
1
1
3-4.
Armenııa
1
1
0
3-4.
Bolgarııa
1
1
0
5.
Túrkııa
1
0
1
6-8
Italııa
1
0
0
6-8.
Indonezııa
1
0
0
6-8.
Moldova
1
0
0
Qyzdar saıysynda úzdik shyqqan komandalar
Komandalar
Altyn
Kúmis
Qola
1.
Túrkııa
1
3
0
2.
Reseı
1
1
2
3.
Rýmynııa
1
1
1
4-5.
О́zbekstan
1
1
0
4-5.
AQSh
1
1
0
6.
Qazaqstan
1
0
1
7-10.
Úndistan
1
0
0
7-10.
Ýkraına
1
0
0
7-10.
Týnıs
1
0
0
7-10.
Armenııa
1
0
0