Kezdesý barysynda Qazaqstan men Exxon Mobil korporasııasy arasyndaǵy yqpaldastyqtyń perspektıvalary, kómirsýtegi salasyndaǵy birqatar jobalardyń júzege asyrylýy, «jasyl» tehnologııalardy engizý, sondaı-aq, álemdik energetıka naryǵyndaǵy qazirgi ahýal talqylandy, dep habarlaıdy Egemen.kz Aqordaǵa silteme jasap.
Memleket basshysyna Qashaǵandy ıgerý qarqyny men Teńiz ken ornyn keńeıtý baǵytyndaǵy jumystar baıandaldy.
Prezıdent korporasııanyń elimizben seriktestik ornatqan 28 jyl ishinde Qazaqstan ekonomıkasyn damytýǵa qosqan úlesin joǵary baǵalady.
Nıl Chapman Exxon Mobil úshin Qazaqstanmen aradaǵy yntymaqtastyqtyń mańyzdy ekenin atap ótip, ózara yqpaldastyqty odan ári nyǵaıtýǵa nıetti ekenin jetkizdi. Sonymen qatar amerıkalyq kásipker munaıdyń álemdik naryǵyn odan ári damytý jónindegi oı-pikirin ortaǵa salyp, atalǵan saladaǵy ózekti máseleler týraly aıtty.