Nursultan Nazarbaev táýelsizdik jyldarynda Qazaqstanda sybaılas jemqorlyqqa qarsy kúres máseleleri boıynsha aýqymdy is atqarylǵanyn aıtty, dep habarlaıdy Egemen.kz.
– Biz táýelsizdiktiń alǵashqy kúnderinen bastap jemqorlyqqa qarsy kúres salasynda jumys istep kelemiz. Degenmen áli de atqarylatyn sharýa az emes. Bul proseske qoǵamdy jumyldyrǵan jón. Osy baǵytta álemdik tájirıbe jetkilikti, sony zertteýdi jáne qoldanysqa engizýdi jalǵastyrý kerek, – dedi Qazaqstannyń Tuńǵysh Prezıdenti.
Kezdesýde M.Ahmetjanov Sybaılas jemqorlyqqa qarsy is-qımyl agenttiginiń jemqorlyq qaterlerin taldaý jáne aldyn alý, sybaılas jemqorlyq salasyndaǵy halyqaralyq yntymaqtastyqty nyǵaıtý sharalary týraly aıtty. Sondaı-aq agenttik qyzmetiniń tıimdiligin odan ári arttyrý josparyn baıandady. Agenttik tóraǵasynyń málimeti boıynsha, sońǵy 5 jylda Qazaqstannyń Sybaılas jemqorlyqty qabyldaý ındeksindegi pozısııasy jaqsaryp, 122-shi orynnan 94-shi orynǵa aýysty.