Pavlodar oblysynda kóshi-qon zańnamasyn buzǵan 152 sheteldik anyqtaldy, dep habarlaıdy Polisia.kz.
Kóshi-qon polısııasymen turaqty negizde kóshi-qon zańnamasyn buzý faktilerin anyqtaý úshin maqsatty pysyqtaýlar men reıdtik is-sharalar júrgiziledi.
– Aǵymdaǵy jyldyń bes aıynda Pavlodar oblysynyń kóshi-qon qyzmetiniń qyzmetkerlerimen 2 701 adam ákimshilik jaýapqa tartyldy, onyń ishinde 276 sheteldik jáne 2 425 QR azamattary. Kóshi-qon zańnamasyn buzǵany úshin 152 sheteldik, 296 qabyldaýshy tulǵalardyń shetel azamattarynyń bolý erejelerin buzǵany úshin jaýapqa tartyldy. Sheteldik jumys kúshin zańsyz paıdalanǵany úshin 30 quqyq buzýshy ákimshilik jaýapqa tartyldy, – dedi Pavlodar oblysy Kóshi-qon qyzmeti basqarmasynyń bastyǵy Arman Ýálıev.
Qazaqstan Respýblıkasynda tirkeý erejelerin saqtamaı turyp jatqan 2 148-den astam azamat anyqtaldy, onyń ishinde 2 090-y QR azamattary jáne 58-i sheteldikter. Sotqa 92 is jiberildi. 13 sheteldikke qatysty elden shyǵarý týraly sheshim qabyldandy. Jalpy somasy 40 mln 151 myń teńgege ákimshilik aıyppul salyndy.