Qazaqstanda ishki naryqtaǵy taýarlyq gazdy kóterme saýdada ótkizýdiń jańa shekti baǵalary bekitildi, dep habarlaıdy Egemen.kz Energetıka mınıstrligine silteme jasap.
«Qazaqstan Respýblıkasynyń ishki naryǵynda taýarlyq gazdy kóterme saýdada ótkizýdiń 2021 jylǵy 1 shildeden bastap 2022 jylǵy 30 maýsymdy qosa alǵan kezeńge arnalǵan shekti baǵalary bekitildi. Osy buıryqqa sáıkes taýarlyq gazdy kóterme saýdada ótkizýdiń shekti baǵalary óńirge baılanysty orta eseppen 11 paıyzǵa kóterildi», delingen QR EM baspasóz qyzmeti habarlamasynda.
Vedomstvo málimeti boıynsha, respýblıkadaǵy ishki gazben jabdyqtaý júzege asyrylatyn negizgi magıstraldar belgilengen resýrstaryn ótedi jáne dıagnostıkalyq tekseristerdiń nátıjesi boıynsha olardyń tozý deńgeıi joǵary. Energetıkalyq qaýipsizdikti qamtamasyz etýde tek óńirler bólinisinde ǵana emes, el aýqymynda da strategııalyq mańyzdy gaz ınfraqurylymynyń 70 paıyzyn paıdalaný merzimi 40 jyldan asady.
Qazirgi ýaqytta ishki naryqta bekitilgen taýarlyq gazdyń shekti kóterme saýda baǵalary jetkiziletin gazdyń ózindik qunynan tómen. Ártúrli óńirde bekitilgen kóterme saýda baǵalary ózindik qunynan 1,5-nan 2,5 esege deıin tómen.
«Osyǵan baılanysty, taýarlyq gazdy kóterme saýdada ótkizýdiń shekti baǵalaryn qazirgi deńgeıde bekitken jaǵdaıda Ulttyq operatordyń shyǵyndary ulǵaıar edi, al ınvestısııalyq baǵdarlamalardyń oryndalmaýy aqyr sońynda gaz qubyrlarynyń shektik aqaýlar sanynyń artýyna ákep soǵady, bul elimizge orny tolmas nuqsan keltireri sózsiz», dedi Energetıka mınıstrligi baspasóz qyzmeti ókili.