Áleýmettik jelilerde Arqalyq qalasynda túsirilgen vıdeo tarady, dep habarlaıdy Egemen.kz.
Vıdeodan tártip saqshylarynyń eski Mitsubishi Pajero-ny qýyp bara jatqanyn kórýge bolady. Kóliktiń rólinde bala otyr, ári ol jalǵyz emes. Jolaýshy oryndyǵyndaǵy er adam ony toqtatýdyń ornyna, polıseılerdi balaǵattap, jaǵdaıdy ýshyqtyra túsken. ⠀ Zań buzýshylardy tártip saqshylary tabeldik qarýmen toqtatýǵa májbúr bolǵan. Sóıtip ol vtokóliktiń dóńgelegine oq atady. Buǵan yzalanǵan eresek jolaýshy rólde bala otyrǵanyn aıtyp, balaǵat sózdermen aıqaılaǵan. ⠀ Bilgili bolǵandaı, oqıǵa 31 mamyrda bolǵan. Polısııa qyzmetkerleri «Qaýipsiz jol» jedel aldyn alý sharasy aıasynda Mitsubishi Pajero kóligin toqtatqan.
Polısııa qyzmetkerleri daýys zoraıtqysh qurylǵynyń kómegimen kólik ıesin toqtatýǵa birneshe ret buıryq bergen. Júrgizýshige baǵynbaǵan jaǵdaıda tabeldik qarý qoldanylatynyn eskertilgen kórinedi.⠀ ⠀
«Kólikti 2007 jylǵy kámeletke tolmaǵan bala basqarǵan. Aldyńǵy jolaýshylar ornynda 35 jastaǵy ákesi mas kúıde otyrǵan, oǵan qatysty 612-baptyń 5-bóligi (Kólik basqarý quqy joq adamǵa basqarma berý) jáne 613-baptyń 1-bóligi (Toqtatý týraly zańdy talaptardy oryndamaý) boıynsha eki ákimshilik hattama toltyryldy», dep atap ótti oblystyq PD baspasóz qyzmetindegiler.