Qytaı Sinovac fırmasynyń COVID-19 vırýsyna qarsy shyǵarǵan CoronaVac vaksınasyn 3-17 jas aralyǵyndaǵy balalarǵa qoldanýǵa ruqsat berdi. Bul týraly Sinovac fırmasynyń tóraǵasy In Veıdýn málim etti, dep habarlady Egemen.kz7
Global Times basylymy Sinovac basshysy In Veıdýnniń málimdemesinshe, CoronaVac vaksınasyn 3-17 jas aralyǵyndaǵy balalarǵa shuǵyl qoldanýy maquldanǵan.
«Biraq vaksına qandaı jaǵdaıda salynady jáne qaı jastan bastap qoldanylatyny áli sheshilmegen», dedi kompanııa basshysy.
Sinovac atalmysh jas aralyǵyndaǵy klınıkalyq synaqtardyń I jáne II kezeńin aıaqtady, oǵan birneshe júzdegen erikti qatysty. Synaq qorytyndysy vaksınanyń qaýipsiz ári tıimdi ekenin kórsetti. Maýsym aıynyń basynda Dúnıejúzilik densaýlyq saqtaý uıymy Sinovac kompanııasynyń koronavırýsqa qarsy shyǵarǵan vaksınasynyń shuǵyl jaǵdaıda qoldanylýyn maquldady.