Almaty qalasynda «Altyn orda» bazarynyń qasynda úsh adamdy kólik qaǵyp ketti, dep habarlaıdy Egemen.kz.
«Alkogol jáne esirtkige mas bolǵan 24 jastaǵy K.esimdi er adam «Vaz 21099» kóligin júrgizip Raıymbek dańǵylymen batysqa qaraı kele jatqanda, aıaldama janynda turǵan úsh jaıaý júrginshini qaǵyp ketti. Zardap shekkender túrli dene jaraqatymen qalanyń medısınalyq mekemelerine jetkizildi», dep habarlady Almaty qalalyq polısııa departamentinen.
Atalǵan faktige qatysty QR Qylmystyq kodeksiniń 345-baby 1-bólimimen sotqa deıingi tergeý amaldary bastaldy.
«Kúdikti azamat Almaty polısııa departamentiniń ýaqytsha oqshaýlaǵyshyna qamaýǵa alyndy», dep málimdedi departament bastyǵynyń orynbasary Rústam Ábdirahmanov.