Qurmetti jas dostar!
Barshańyzdy «Biz – el patrıotymyz» atty halyqaralyq jastar forýmynyń ashylýymen shyn júrekten quttyqtaımyn!
Jastardyń búgingi alqaly jıynynyń Memlekettik rámizder kúnimen tuspa-tus kelýiniń sımvoldyq máni bar dep oılaımyn. Memlekettik rámizder – egemendiktiń mártebeli nyshany bolsa, jastar – eldiktiń kemel kelesheginiń kepili.
Sonymen birge Forým bárimiz úshin qasterli de qasıetti mereke Táýelsizdiktiń 30 jyldyǵy aıasynda ótip otyr.
Táýelsizdik – biz úshin táý eter jalǵyz kıemiz! Táýelsizdik – ata-babamyzdyń ǵasyrlar boıǵy ańsar-armany, bizdiń ulttyq ıdeıamyz! Sondyqtan el erteńi jastar úshin táýelsizdikten asqan asqaq murat, asqaraly qundylyq bolmaýy tıis. Kezinde Tuńǵysh Prezıdent – Elbasy Nursultan Ábishuly Nazarbaev: «Jas qazaqstandyq azamattar degenimiz – tek quqyq qana emes, birinshi kezekte ózi, óziniń otbasy jáne bizdiń Otanymyz úshin jaýapkershilik ekenin este ustaýlary kerek», degen edi. Búginde halqymyzdyń jıyrma paıyzyn 14 pen 29 jas aralyǵyndaǵy jastar quraıdy. Al balalar men jasóspirimderdi qosa eseptesek, búgingi qazaqstandyqtardyń jartysy jastar ekenin kóremiz. Osy turǵydan alǵanda, biz – tarıhy tereń, bolashaǵy jarqyn, boıyn jastyq jalyny sharpyǵan qýatty ultpyz deýge tolyq negiz bar.
Endeshe, bardy baǵalap, joqty saralap, táýbemizden jańylmaı, táýekelden taıynbaı, táýelsizdiktiń tasyn órge birge súıreıik, qadirli jas dostar!
Memleket basshysy Qasym-Jomart Kemeluly Toqaev «HHI ǵasyrdaǵy Qazaqstandy bıik belesterge Sizder sııaqty bilimi ozyq, oıy ushqyr jastar bastaýy kerek» dep jastardyń aldyna aıqyn mindet belgilep berdi. Prezıdent «bizdiń elimizde «jaýapty memleket, jaýapty qoǵam, jaýapty adam júıesi berik ornyǵýy kerek» degen ustanymyn erekshe atap ótti. Jáne de memleketimiz búginde óz tarapynan ár salada kósh bastap, jetistikke jetip júrgen jastardy elge tanytyp, olarǵa qoldaý kórsetý sharalaryn júıeli túrde júrgizip keledi. Joǵary ıntellekt saltanat qurǵan, aqyl-parasat áleýeti aldyńǵy qatarǵa shyqqan jańa dáýirde bul asa mańyzdy jumys.
Búgingi tańda elimizde «Rýhanı jańǵyrý» baǵdarlamasyn ulttyq jańǵyrýǵa ulastyrý boıynsha naqty sharalar qabyldanýda. Bul jańǵyrýlar eń áýeli, elimizdiń erteńgi keleshegi – jastar úshin asa qajet. Sizder zamannyń syn-qaterlerine laıyqty jaýap bere otyryp, ulttyq qundylyqtarymyzdy qasterlep, olardy ýaqyt talabyna saı ornyqtyrýlaryńyz qajet. Mysaly, zertteýler kórsetip otyrǵandaı, búgingi jastar dańǵaza toı-dýman men asyra ysyrapshyldyqty qalamaıdy eken. Bul – ıgilikti úrdis. О́ıtkeni ata dinimiz de, ulttyq dástúrimiz de, hakim Abaı aıtqandaı, artyq maqtanysh, asta-tók ysyrapty ıgi ádepterdiń qataryna eshqashan jatqyzbaǵan.
Sondyqtan jastar jahandanýdyń zamanaýı ıgilikterin boıyna sińire otyryp, ulttyq qundylyqtarymyzdy quldyratpaýy tıis. Jastar úshin Otannyń keleshegi men otbasy berekesi birinshi kezekte turýy qajet. Qazaq ulty bizdiń kópultty memleketimizde jasampaz isterdiń uıtqysy bolýǵa mindetti!
Qadirmendi forýmǵa qatysýshylar!
Birinshiden, Forýmǵa shaqyrǵany úshin uıymdastyrý komıtetine alǵys aıtamyn, sondaı-aq jıynǵa qatysyp otyrǵan sheteldik jas dostarǵa shyn júrekten qosh keldińizder deımin!
Búginde patrıottyq tárbıe azamattyq qoǵamnyń ornyqty ári turaqty progreske jetý jolyndaǵy damýynyń ajyramas bóligi ekeni anyq.
Memleket basshysy Qasym-Jomart Kemeluly Toqaev dál osy patrıotızmniń alǵy shebinde jas qazaqstandyqtar júrýi kerek dep senedi. Ol otandyq patrıotızmniń naqty jáne aıqyn formýlasyn atap berdi. Bul – halyqtyń tarıhyn bilý, memleketke degen qurmet, ózin-ózi úzdiksiz damytý, adaldyq jáne jumysqa qabilettilik.
Álemdegi eń jaqsy úkimet, eń jaqsy parlament ózdiginen jumys isteıdi desek, bul ózimizdi aldaý bolar edi. Olar bar máselege sheshim bolarlyq ámbebap «es jasaıdy» dep kútý de qate.
Bostandyq pen demokratııa – árbir adam atsalysatyn dúnıe. Budan bárimizge júktelgen jaýapkershilik týyndaıdy.
Memleket basshysy, sondaı-aq, jastardyń saıası sanasynyń ósýin memlekettiń qajetti jáne qýatty áleýeti, ekonomıkalyq jáne qoǵamdyq-saıası prosesterge balamaly, progressıvti kózqarastyń bastaýy retinde qarastyra otyryp, eldiń tehnologııalyq jáne rýhanı jańǵyrýyndaǵy jastardyń negizgi rólin atap kórsetti. Munyń ózekti ekenin búgingideı ótkendi burmalaý, bolashaqty mıstıfıkasııalaý, saıası, rýhanı-adamgershilik jáne tehnologııalyq salalardaǵy qarama-qaıshylyqtarǵa kýá bola otyryp túsinemiz.
Búginde elimizde túrli salada jastardy qoldaý jáne yntalandyrý jónindegi memlekettik jobalar tabysty iske asyrylýda. Mysaly, Tuńǵysh Prezıdent – Elbasy bastamashylyq etken «Bolashaq» halyqaralyq bilim berý stıpendııasy, Prezıdenttik jastar kadrlyq rezervi, jastardy jumysqa ornalastyrý jáne jumyspen qamtý baǵdarlamalary jáne basqa da kóptegen joba bar. Saıası uıymdardyń partııalyq saılaý tizimderinde áıelder men 29 jasqa deıingi jastar úshin mindetti 30 paıyzdyq kvotany engizý erekshe nazar aýdarýǵa turarlyq.
О́zderińiz bilesizder, memleket kóptegen jyl boıy «Daryn» memlekettik jastar syılyǵyn berip keledi. Buǵan qosa, Memleket basshysynyń tapsyrmasy boıynsha bıyl talantty jastarǵa arnalǵan «Táýelsizdik urpaqtary» granty taǵaıyndaldy.
Memleket budan ári de jastardyń ózin-ózi tabysty júzege asyrýy jáne óz eliniń, halqynyń múddelerin qorǵaıtyn jańa kóshbasshylardy tárbıeleý úshin jaǵdaı jasaıdy dep sendirýge daıynmyn.
Qymbatty dostar!
Sizder – táýelsizdik urpaqtarysyzdar! Sizder kóptegen urpaq arman etken táýelsizdigimizben tel óstińizder. Endi sizder jasampazdyq estafetasyn qabyldap, HHI ǵasyrda Qazaqstannyń gúldenýi men ózge jurttyń moıyndaýyn qamtamasyz etetin qozǵaýshy kúshke aınalýǵa tıissizder.
Búgingi tańda óz bilimderińiz ben kásibı sheberlikterińizdi paıdalana otyryp, Qazaqstandy qazirgi álemdegi qýatty jáne básekege qabiletti el etýge kúshterińiz jetedi.
О́zimizdi de, ózgelerdi de tańdaı qaqtyratyn azamattarǵa aınalýlaryńyzǵa tilekshimin!
Qurmetti jastar!
Elimizdi jarqyn bolashaqqa jeteleý búgin jasaıtyn tańdaýlaryńyzǵa baılanysty ekenin umytpańyzdar. Máńgilik el bolý, onyń táýelsizdigin saqtaý – kózi ashyq, kókiregi oıaý bilimdi urpaqtyń ǵana qolynda. Memleket tarapynan bul úshin barlyq múmkindik jasalýda.
Qazaq eliniń jarqyn bolashaǵy úshin jastarymyz tereń aqylmen, qajyr-qaıratpen tynbaı eńbektenýi qajet. Bul rette sapaly bilimdi sanaly tárbıege negizdeý – óte mańyzdy. Otanymyzdyń kemel keleshegi jastarymyzdyń rýhanı muramyzdy ıgerip, tól tarıhymyzben maqtanýyna, óz ultyn sheksiz súıip, ózge ulttardy qurmetteýine tikeleı baılanysty.
Búgingi Forým jastardyń ulttyq jańǵyrý jolyndaǵy uly murattarǵa jol bastaýyna erekshe serpin bersin dep tilek aıtamyn!
Osy sátte qazaqtyń aqıyq aqyny Maǵjan Jumabaevtyń myna bir joldary eske túsedi:
Arystandaı aıbatty,
Jolbarystaı qaıratty –
Qyrandaı kúshti qanatty,
Men jastarǵa senemin!
Qajý bar ma tulparǵa,
Talý bar ma suńqarǵa.
Iman kúshti olarda,
Men jastarǵa senemin!
Árdaıym álemdik básekeniń aldynda bolyńyzdar!
Iske sát, jas dostar!