Oral qalasynda sport jáne oıyn alańdary kóbeıdi

Jaqynda Oral qalasynyń úsh aý­danynda sporttyq jáne bala­lar­ǵa arnalǵan oıyn alańdary paıda­lanýǵa berildi. Balalardy qorǵaý kúni aıasynda ashylǵan bul nysandar qala balalary úshin úlken syı bolǵany anyq.

– Qalamyzda kópqabatty úı­­ler­diń aýlalaryn jańar­tý, ásirese bala­lar men jas­ós­pi­rimderdiń oıyny men jat­ty­­ǵýlar júrgizýine qo­laıly jaǵ­daı jasaý baǵytynda kóp jumys jasalyp jatyr. Jyl aıa­­ǵyna deıin taǵy 16 alań­dy paı­­dalanýǵa beremiz. Bul alań­dar­­dyń qurylysyn qalalyq qu­ry­lys bó­liminiń tapsyrysy­men «Jaıyq Sıtı» mekemesi atqa­rýda, – deıdi Oral qalalyq sport bóliminiń basshysy Artýr Sher­ǵalıev.

Jastar men balalardyń qýany­shyn bólisýge Oral qalasynyń ákimi Abat Shynybekov, máslıhat depýtattary qatysty. Aıta keteıik, jańadan ashylǵan alańdarda eń kishkentaı búldirshinderge ar­nalǵan oıyn kesheninen bastap, jas­óspirimder men eresekterdiń sportpen aınalysýyna qajetti qu­rylǵynyń bári bar.

Qazirdiń ózinde Batys Qa­zaq­stan oblysynyń orta­ly­ǵyn­da 60-tan astam sporttyq alań ha­lyqqa qyz­met kórsetip tur. Sonyń 50-i – «Oral» sport klý­by­nyń qaramaǵynda. Sport alań­dary, qysqy jáne jazǵy oıyn qoraptary aýdandar men aýyldarda da jappaı ashylyp jatyr. Bul halyqty, ásirese jastardy sa­lamatty ómir súrýge, sportqa baý­lýǵa áser etedi.

Batys Qazaqstan  oblysy