Senattyń Halyqaralyq qatynastar, qorǵanys jáne qaýipsizdik komıtetiniń tóraǵasy Muhtar Qul-Muhammed Brazılııa Elshisi Rýbem Barbosamen kezdesti, dep habarlaıdy Egemen.kz Senattyń baspasóz qyzmetine silteme jasap.
M.Qul-Muhammed meımanmen kezdesý kezinde Qazaqstan Brazılııanyń Ortalyq Azııadaǵy senimdi seriktesi ekenin jáne budan bylaı da solaı bolyp qala beretinin atap ótti.
«Biz Brazılııany Latyn Amerıkasyndaǵy negizgi áriptesterdiń biri, halyqaralyq arenadaǵy ekonomıkalyq ári saıası bedeli zor memleket, BRIKS pen G20-ǵa múshe el retinde qarastyramyz», dep atap ótti senator.
Kezdesý barysynda eki el arasyndaǵy ekonomıkalyq, áleýmettik-mádenı jáne saıası ózara is-qımyl máseleleri boıynsha pikir almasyldy.
Muhtar Qul-Muhammedtiń pikirinshe, eki eldiń parlamentshileri arasyndaǵy baılanystarǵa qarqyn berý saıası dıalogtyń mańyzdy bólshegi bola alady.