Jańa óndiristerdi iske qosqannyń nátıjesinde sońǵy jyldary qaıta óńdelgen kúrish óndirisi qarqyn aldy, dep habarlaıdy Egemen.kz Aýyl sharýashylyǵy mınıstrligine silteme jasap.
Aldaǵy birneshe jylda egis alqaptaryn ártaraptandyrýǵa baılanysty kúrishti ishki naryqqa jetetindeı kólemde ǵana óndirý josparlanyp otyr. 2020 jyly Qazaqstanda 199,4 myń tonna óńdelgen kúrish óndirildi, bul respýblıkanyń ishki naryqtaǵy qajettiligin 185,9%-ke qamtamasyz etedi.
Salystyrý úshin: 2019 jyly 166 myń tonna ónim óndirildi. Iаǵnı bir jyl ishinde óndiris ósimi 20%-ten asty. О́tken jyly óndiris ósiminiń arqasynda óńdelgen kúrishtiń eksporty 12,7%-ke artyp, 101,2 myń tonnany qurady. Sonyń nátıjesinde ımport 57,7 %-ke, ıaǵnı, 9 myń tonnaǵa deıin tómendedi.
Qazirgi ýaqytta otandyq óndiristiń arqasynda ımporttyń úlesi 8,4% ǵana. 2015 jyldan beri Qazaqstanda kúrishti óndirý men qaıta óńdeý salasynda jalpy quny 2,3 mlrd teńge bolatyn 8 ınvestısııalyq joba iske asyryldy. Sonyń nátıjesinde óndiris ósimi qarqyn aldy. Memlekettik qoldaý sharalary aıasynda jańa kásiporyndar salý, jumys istep turǵan qaıta óńdeý kásiporyndaryn keńeıtý jáne jańǵyrtý jumystaryn júzege asyrǵanda ınvestısııalyq sýbsıdııalar qarastyryldy.
Budan bólek, «qarapaıym zattar ekonomıkasy» aıasynda qaıta óńdeý kásiporyndaryn ınvestısııalaýǵa jáne aınalym qarajatyn tolyqtyrýǵa múmkindik beretin jyldyq syıaqy mólsheri 6%-dyq jeńildetilgen nesıeler bar. Sonymen qatar ekinshi jyl qatarynan respýblıkanyń Agroónerkásip keshininde egis alqaptaryn ártaraptandyrý saıasaty júrgizilip jatyr. Máselen, bıyl oblys ákimdikteriniń derekteri boıynsha, kúrish egetin alań 8,4 myń gektarǵa qysqarǵan. Iаǵnı elimizdegi jalpy kúrish egis alqaby 95,6 myń gektarǵa deıin azaıdy.
Kúrish alqaptarynyń kólemin birtindep azaıtyp, onyń ornyna tıimdi ári ylǵaldy az qajet etetin baqsha ónimderiniń, jem-shóp pen maıly daqyldardyń alqaptaryn ulǵaıtý josparlanyp otyr.