Máýlen Áshimbaevtyń tóraǵalyq etýimen Senat Bıýrosynyń otyrysy boldy, onda depýtattar 2021 jylǵy 10 maýsymǵa josparlanǵan jalpy otyrystyń kún tártibin talqylady, dep habarlady Palatanyń baspasóz qyzmeti.
Aldaǵy otyrystyń kún tártibine Parlament depýtattary bastamashylyq etken «Qazaqstan Respýblıkasynyń keıbir zańnamalyq aktilerine ınklıýzıvti bilim berý máseleleri boıynsha ózgerister men tolyqtyrýlar engizý týraly» zań jobasy engizildi.
Osy zań jobasy qabyldanǵannan keıin erekshe qajettilikteri bar balalardy oqytatyn uıymdar bilim berý baǵdarlamasyn bilim alýshylar men tárbıelenýshilerdiń jeke damý erekshelikterine jáne áleýetti múmkindikterine sáıkes beıimdeýi tıis bolady. Qujat sondaı-aq múmkindigi shekteýli balalardy erte anyqtaý jáne olarǵa erte arnaıy psıhologııalyq-pedagogıkalyq qoldaý kórsetý salasynda mekemearalyq ózara is-qımyldy kúsheıtýge múmkindik beredi. Senatorlar sondaı-aq Palatanyń kelesi otyrysynda Parlament depýtattary bastamashylyq etken «Qazaqstan Respýblıkasynyń keıbir zańnamalyq aktilerine kásipkerlik, áleýmettik kásipkerlik jáne mindetti áleýmettik medısınalyq saqtandyrý máseleleri boıynsha ózgerister men tolyqtyrýlar engizý týraly» zań jobasyn qaraıdy.
Qujat halyqtyń áleýmettik osal toptaryn jumyspen qamtýdy qamtamasyz etýge járdemdesýge, áleýmettik problemalardy sheshýge kásipkerlik sýbektileriniń qatysýyn qoldaýǵa jáne áleýmettik kásipkerlerdiń taýarlaryn, jumystary men kórsetiletin qyzmetterin naryqta ilgeriletýge baǵyttalǵan.
Senat sonymen qatar Salyq kodeksine jáne «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksin qoldanysqa engizý týraly» Qazaqstan Respýblıkasy Zańyna ózgerister men tolyqtyrýlar engizý týraly» zań jobasyn jáne «Baıqońyr» kesheniniń qyzmetine baılanysty ratıfıkasııalyq zań jobalarynyń toptamasyn qaraýy tıis.