Dúısenbi, ıaǵnı 7 maýsym kúni Almaty qalasy sanıtarlyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın men Almaty qalasy qoǵamdyq densaýlyq basqarmasynyń basshysy Narıman Tabynbaev BAQ ókilderi kópten kútken baspasóz brıfıngin ótkizdi. Túske deıin J.Bekshın Almaty qalasy 1 maýsymda «sary aımaqqa» kóshkenimen, epıdemııalyq ahýal kúrdeli dese, tústen keıin N.Tabynbaev jaǵdaıdyń turaqtalyp kele jatqanyn málimdedi.
iger «qyzyl aımaqtan» «sary aımaqqa» ótý kezindegi qoldanystaǵy shekteý sharalary 7 kún ótkennen keıin kúshine enetin belgili bir jeńildiktermen saqtalatynyn atap ótti. Sondaı-aq «sary aımaqtyń» ólshemderi 1 (birlikten) kem nemese oǵan teń R sany (juqtyrý kórsetkishi) men júzden kem nemese oǵan teń 100 myń turǵynǵa shaqqandaǵy syrqattaný kórsetkishi bolatynyn túsindirdi. Almatyda 7 maýsymdaǵy jaǵdaı boıynsha 100 myń turǵynǵa shaqqanda KVI-men syrqattanýshylyq kórsetkishi 64,7, ıaǵnı 100-den tómen, onyń ishinde R=0,7. Osy ýaqytqa deıin Almatyda júrgizilgen shekteý sharalary indettiń betin qaıtardy. Oǵan qosa koronavırýs indetin vaksına alý arqyly toqtatýǵa bolady. J.Bekshın atap ótkendeı, Qazaqstanda KVI-ǵa qarsy vaksına saldyrý qaýipti aımaqtan bastaldy. Aldymen medısına qyzmetkerleri, ýchaskelik polısııa, ákimdik qyzmetkerleri, kommýnaldyq qyzmet, qoǵamdyq tamaqtaný oryndary, saýda qyzmetkerleri ekpe saldyrdy. «Búginge deıin 316 407 adam vaksına aldy, bul qala halqynyń 16%-yn quraıdy, aýyryp jazylǵan adamdar 5%, sonyń nátıjesinde 21%-dyq ujymdyq ımmýnıtet qalyptasty», deıdi J.Bekshın. Jalpy,vaksınany 60 jastan asqan 32 758 nemese 12%-dan astam adam saldyrdy. Sondaı-aq, aqpan aıynan bastap júzege asqan Ashyq júıesin engizý men monıtorıngtik toptardyń shaǵyn jáne orta bıznes nysandaryn júıeli baqylaýy oń áser etkenin atap ótken jón. J.Bekshınniń málimetinshe, joba bastalǵannan beri Almatyda óz mártebesin skanerleý nátıjeleri boıynsha 1 235 turǵynnyń «qyzyl mártebesi» rastaldy, 298 turǵynnyń «sary mártebesi» anyqtaldy. Jobanyń taǵy bir artyqshylyǵy – mobıldi qosymshanyń kómegimen úı karantınin buzbaı «qashyqtan» tekserý múmkindigi bar. Osylaısha, qosymsha arqyly Almatyda 649 turǵynnyń «qyzyl mártebesi», 144 turǵynnyń «sary mártebesi» rastalǵan. Ashyq jobasy arqyly qazir Almatyda indetke shaldyǵý 6 esege tómendedi. Mamyr aıynyń alǵashqy kúnderinde táýligine 605-608 adamnyń indet juqtyrǵany anyqtalsa, sońǵy táýlikte, ıaǵnı 7 maýsymda 143 jaǵdaı tirkeldi. Almatynyń bas sanıtary kásipkerlerdi joba talabyna adal bolýǵa, belgilengen shekteýlerdi saqtaýǵa shaqyrdy, óıtkeni joba karantındik jeńildiktermen jumys isteýge múmkindik beredi. О́ıtkeni pandemııa bastalǵaly beri Almatyda koronavırýs juqtyrǵandardyń resmı sany 70 786 bolsa, onyń ishinde 54 846 sımptomdyq belgileri bar jáne 15 940 sımptomsyz, 1 809 anyqtalmaǵan pnevmonııa tirkeldi. Máselen, mamyr aıynyń ortasynda aýrýhanalarǵa táýligine kemi 190-200 naýqas túsetin bolsa, qazir bul 80-90 adamǵa azaıdy. О́tken táýlikte 54 naýqas aýrýhanaǵa jatqyzyldy. Osyǵan baılanysty, epıdemııalyq ahýaldyń salystyrmaly túrde qolaıly aǵymyn saqtaı otyryp, kovıd juqtyrǵan naýqastardy qalanyń arnaıy aýrýhanalaryna jatqyzý josparlanyp otyr. Bular – I.Jekenov atyndaǵy qalalyq klınıkalyq juqpaly aýrýlar aýrýhanasy fılıaldary, qalalyq balalar klınıkalyq juqpaly aýrýlar aýrýhanasy, JShMKKA, qalalyq fıtızıopýlmonologııa ortalyǵynyń fılıaly «Halyq Arena», №1 qalalyq perzenthana, qalalyq kardıologııalyq ortalyq, psıhıkalyq densaýlyq ortalyǵy, №1 qalalyq klınıkalyq aýrýhanasy ádettegi rejimde jumys istep jatyr.
Al 14 maýsymnan bastap Ortalyq qalalyq klınıkalyq aýrýhananyń kovıdtik stasıonarlaryn, Qalalyq klınıkalyq juqpaly aýrýlar aýrýhanasynyń Baızaqov kóshesindegi fılıalyn jabý josparlanyp otyr. Bul stasıonarlar qalypty jumys rejimine kóshedi jáne barlyq emhanalar men aýrýhanalarǵa dezınfeksııa júrgiziledi.
Statıstıka boıynsha kovıdten qaıtys bolǵan adamdardyń 80%-dan astamy 60 jastan asqan úlken kisiler.
Almaty qalasy Qoǵamdyq densaýlyq basqarmasynyń basshysy Narıman Tabynbaev koronavırýs ınfeksııasy bar naýqastarǵa medısınalyq kómek kórsetý úshin densaýlyq saqtaý uıymdarynyń qalypty jumys rejimine aýysqany týraly baıandady.
Dál osy kúnderi Almatynyń ınfeksııalyq stasıonarlarynda 1 258 adam emdelip jatyr. Qalada barlyǵy 3 640 tósektik oryn bar. Jedel medısınalyq kómekti shaqyrý úshin táýligine 1 850-1 930 qońyraý shalynady. N.Tabynbaevtyń habarlaýynsha, epıdemııalyq ahýal turaqtana tússe, kovıdti naýqastardy «Degdar» qalalyq klınıkalyq juqpaly aýrýhanasyna, Saıaly men Terekti shaǵyn aýdandaryndaǵy modýldi stasıonarlarǵa jatqyzý josparlanǵan.
ALMATY