Batys Qazaqstan oblysy pandemııa deńgeıi jóninen «sary aımaqqa» ótkenimen, kún saıyn vırýs juqtyrýshylar sany ótken jylǵy eń qıyn kezeńmen birdeı bolyp tur. Sondyqtan kúzge qaraı jaǵdaı kúrdelene túsýi múmkin.
– Bıyl óńirde dári-dármekpen qamtý jolǵa qoıyldy, kerekti qural-jabdyq ta bar. Jańadan modýldi ınfeksııalyq aýrýhana iske qosyldy. Osy sharalardyń nátıjesinde biz koronavırýspen jedel ári nátıjeli kúresip otyrmyz. Biraq jaǵdaı jaqsy emes. Eger halyq sanyna shaǵatyn bolsaq, bizdegi ahýal Nur-Sultan men Almaty sekildi iri megapolıstarmen salystyrǵanda jaqsy emes. Aýyr naýqastar, qaıtys bolǵandar sany azaımaı otyr. Sondyqtan bosańsýǵa áli erte, – dedi óńir basshysy Ǵalı Esqalıev koronavırýsqa qarsy qurylǵan shtab otyrysynda.
Maýsymnyń 6-sy kúngi málimetke qaraǵanda, Batys Qazaqstan oblysynda indet bastalǵaly beri 23 010 adamnan koronavırýs tabylǵan eken. Sonyń ishinde 341 adam qaıtys boldy. Dárigerler 17 978 adamnyń jazylyp, qatarǵa qosylǵanyn aıtady.
– Aýrýhanaǵa túsken naýqastardyń 61%-ynda dert asqynǵan formada ótti. Bıylǵy aýrýdyń eń kúsheıgen kezi mamyr aıyna sáıkes keldi. Qaıtys bolǵandardyń 2 paıyzy ǵana naqty koronavırýstan kóz jumsa, qalǵany burynnan kele jatqan sozylmaly dertteriniń asqynýynan dúnıe saldy, – deıdi oblystyq juqpaly aýrýlar aýrýhanasynyń dırektory Nádııa Ahmetova.
Mamandar syrqattardyń kóbine úıden emdelip, dárigerge der kezinde qaralmaı, aýrýyn asqyndyryp alatynyn aıtady. Sońǵy kúnderi covid-19-dyń asa qaýipti jańa túri kórshiles Reseıdiń Samara men Saratov oblystarynan da shyǵa bastaǵan. Úndistanda kóp adamnyń ólimine sebepker bolyp, «qara kúıe» atalǵan koronavırýstyń bul túri óte qaýipti.
О́ńirdiń bas memlekettik sanıtarlyq dárigeri Muhamǵalı Aryspaevtyń «Batys Qazaqstan oblysy aýmaǵyndaǵy karantındik shekteý sharalary jáne Ashyq jobasyn engizý týraly» jańa qaýlysy 2 maýsymnan bastap kúshine engen bolatyn. Jańa qaýlyǵa sáıkes, óńirdegi Ashyq jobasyna qatysatyn áleýmettik-ekonomıkalyq nysandardyń jańasha jumys kestesi bekitildi. Máselen, qoǵamdyq tamaqtaný oryndary, jazǵy alańdar, banket zaldary endi tańǵy 07.00-den túngi 02.00-ge deıin ashyq bolady. Tek ondaǵy adam sany «qyzyl», «sary» nemese «jasyl aımaq» bolǵanyna baılanysty 50, 60 jáne 70 adamǵa deıin ózgerip otyrady. Burynǵysha oıyn-saýyq, ujymdyq, otbasylyq, estelik is-sharalardy, onyń ishinde jeke úıde banket, úılený toıy, mereıtoı sekildi adam kóp jınalatyn ózge de is-sharalardy ótkizýge jáne olarǵa qatysýǵa tyıym salynǵan.
Sanıtar dáriger memlekettik organdar men kvazımemlekettik sektor uıymdary qyzmetkerleriniń jáne jeke kásipkerlik qyzmetkerleriniń keminde 50%-yn qashyqtan jumys isteýge aýystyrýdy usynyp otyr. Biraq COVID-19-ǵa qarsy vaksınanyń tolyq kýrsyn alǵan jáne sońǵy 6 aı ishinde COVID-19-ben aýyryp jazylǵan barlyq qyzmetker qalypty rejimde jumys isteı beredi.
О́ńirde Ashyq jobasymen jumys isteýshi mekeme-kásiporyndar kóbeıip keledi. Sońǵy derek boıynsha 6 kınoteatr, 18 fıtnes-klýb, 5 konsert zaly, 19 saýna men basseın, kóptegen kompıýterlik klýbtar, barlyǵy 481 nysan osyndaı jumys rejimine kóshken.
– Ashyq jobasymen jumys istep jatqan nysandar kóbeıdi. Biraq kelýshilerdi qatań qadaǵalap, sanıtarlyq talaptardyń saqtalýyna nazar aýdarý kerek. Máselen, «qyzyl» jáne «sary» dárejesi bar, ıaǵnı kópshilikten oqshaýlanýy tıis 185 adamnyń qoǵamdyq oryndarda júrgeni anyqtaldy. Oral qalasynda vırýs taratýshy 72 adam, Aqsaı qalasynda 9 adam emin-erkin qydyryp júrgen, – deıdi bas sanıtar dáriger.
Sanıtarlyq-epıdemıologııalyq talaptardy buzǵan adamdarǵa ákimshilik shara qoldanylady.
О́ńirde koronavırýsqa qarsy vaksınalaý isi de júıeli júrip jatyr. Jaqynda oblysqa reseılik «Spýtnık V» vaksınasynyń 27 500 dozasy jetkizildi. Osy kezge deıin 69 387 batysqazaqstandyq bul ekpeniń birinshi bóligin alyp úlgergen. Al tolyq komponent alǵan adam sany 33 myńǵa jýyqtaǵan. Jalpy oblysqa osy kezge deıin 173 060 doza vaksına jetkizilgen.
Batys Qazaqstan oblysy