QR Tuńǵysh Prezıdenti-Elbasy N. Nazarbaev atyndaǵy ǵylymı-ınnovasııalyq zerthananyń saltanatty ashylý rásimi ótti, dep habarlaıdy Egemen.kz SIM baspasóz qyzmetine silteme jasap.
Zerthannanyń quryltaıshylary – «G-Global» halyqaralyq hatshylyǵy jáne onyń QHR-daǵy strategııalyq seriktesi «China Silk Road Group» kompanııasy.
Atalǵan is-sharaǵa Nankın q. «Szıanbeı» jańa aýdany ákimshiliginiń jáne Pekın q. «Chjýngýansýn» ǵylymı-tehnologııalyq parkiniń ókilderi, Qazaqstannyń QHR-daǵy Elshiliginiń dıplomattary, sondaı-aq qytaılyq BAQ tilshileri qatysty.
Rásim barysynda is-sharaǵa qatysýshylarǵa «G-Global» halyqaralyq hatshylyǵynyń basshysy Serik Nógerbekov óziniń beıne sálemdemesin joldady.
Zerthananyń negizgi mindeti aýqymdy zertteýlerdi, onyń ishinde zamanaýı «blokcheın» tehnologııalaryn, jasandy ıntellekt pen «úlken derekterdi» paıdalana otyryp júzege asyrý arqyly qytaılyq «Bir beldeý, bir jol» bastamasy jáne qazaqstandyq «Nurly jol» memlekettik baǵdarlamasy sheńberinde jobalardy ilgeriletý, sondaı-aq ǵylymı súıemeldeýge praktıkalyq járdemdesý bolyp tabylady. Bul jumysqa eki eldiń jetekshi ǵalymdary men praktıkteri belsendi túrde tartylatyn bolady.
«G-Global» halyqaralyq hatshylyǵy 2019 jyldan bastap «Bir beldeý, bir jol» bastamasy seriktesteriniń quramyna kiredi. Onyń «Jibek joly» jahandyq syılyǵy jáne «Jahandyq Jibek joly – qala ákimderiniń forýmy» sııaqty jobalaryn «Bir beldeý, bir jol» bastamasynyń 2-shi forýmynyń qatysýshylary tarapynan qoldaý taýyp, qorytyndy qujatynyń mátinine engizildi.