Bireýdiń telefonyn taýyp alyp, onyń atynan eki mıllıon teńgeden astam somaǵa eki nesıe rásimdegen qaraǵandylyq er adam ustaldy, dep habarlaıdy Egemen.kz.
14 mamyrda 46 jastaǵy qala turǵyny Qaraǵandy qalasynyń PB Ońtústik-shyǵys polısııa bólimine uıaly telefonyn joǵaltqanyn habarlady. Bireý onyń uıaly telefonyn paıdalanyp, eki mıllıonnan astam teńgege eki nesıe rásimdegen.
Atalǵan fakt boıynsha polısııa qyzmetkerleri QR Qylmystyq kodeksiniń 190-baby (Alaıaqtyq) boıynsha qylmystyq is qozǵady.
9 maýsymda jedel-izdestirý is-sharalary barysynda krımınaldyq polısııa qyzmetkerleri 37 jastaǵy er adamdy anyqtap, ustady. Ol kinásin moıyndaǵan, qazirgi ýaqytta tergeý amaldary júrgizilip jatyr.