Jambyl oblysynda birneshe adam tóbelesip, bir adam qaza tapty, dep habarlaıdy Egemen.kz.
9 maýsym kúni saǵat 21.20-da Merki aýdandyq polısııa bólimine jergilikti turǵyn belgisiz adamdar sharýa qojalyǵyna kelip, aǵasyn atyp óltirgeni týraly habar bergen.
Polısııa oqıǵa ornyna jedel jetip, mán-jaıdy anyqtaǵan. Belgili bolǵandaı, sharýa qojalyǵynyń ıesi men úsh jergilikti turǵyn arasynda janjal týyp, turǵyndardyń biri myltyqpen qojalyq ıesine oq atqan.
Alaıda er adam jaraqat alǵanyna qaramastan, kóligimen olardy qýyp jetip, ekinshi kólikti ádeıi soqqan. Saldarynan júrgizýshi alǵan jaraqatynan oqıǵa ornynda qaza tapty, al onyń jolaýshysy jaraqat aldy.
Atylǵan oqtan aıaǵy men qoly jaralanǵan qojalyq ıesi Merki aýylynyń ortalyq aýrýhanasyna jatqyzyldy.
Polıseıler tóbeleske qatysqandardyń bárin ustady, sotqa deıingi tergeý júrgizilip jatyr. Qajetti saraptamalar taǵaıyndalǵan. Istiń mán-jaıy anyqtalýda.