Qostanaı oblystyq Polısııa departamentiniń qyzmetkerleri qalanyń patrýldik polısııa batalonymen birlesip saqtandyrý polısinsiz shet memleketterdiń kólikterimen júrgen jáne ıelerin anyqtaý boıynsha jumysty jalǵastyryp jatyr, dep habarlaıdy Egemen.kz.
Patrýldeý barysynda Qostanaıda 20 jastaǵy jergilikti turǵynnyń basqarýyndaǵy «Vaz 2109» markaly avtokólik toqtatyldy. Tekserý kezinde ol 8 sáýirden bastap avtomatty tirkeý quraldarymen 96 jol qozǵalysy erejesin buzǵany belgili boldy.
Polısııa qyzmetkerleri tártip buzýshyǵa 1 mıllıon 969 myń teńge kóleminde aıyppul tóleý qajettigi týraly nusqama jazyp berdi.
Sonymen qatar onyń avtokólik quralyn basqarýǵa quqyǵy joq jáne saqtandyrý polısinsiz basqarǵany anyqtaldy.
Atalǵan faktiler boıynsha ákimshilik óndiristik is qozǵaldy. Avtokólik Qostanaı Ákimdiginiń Mamandandyrylǵan turaǵyna qoıyldy. Taǵy bir osyndaı tártip buzýshyny Rýdnyı polıseıleri ustady.