Qazaqstannyń Ýkraınadaǵy Elshisi Darhan Káletaev Ýkraınanyń Birinshi vıse-premer-mınıstri - Ekonomıka mınıstri Aleksıı Lıýbchenkomen kezdesý ótkizdi, dep habarlaıdy Egemen.kz.
Suhbattasýshylar ekijaqty saýda-ekonomıkalyq yntymaqtastyqtyń ózekti máselelerin, sondaı-aq 2021 jyly 18 maýsymda Kıevte ótetin Ekonomıkalyq yntymaqtastyq jónindegi qazaqstandyq-ýkraınalyq birlesken memleketaralyq komıssııasynyń kelesi otyrysyna daıyndyq máselelerin talqylady.
Taraptar halyqaralyq saýda, kooperasııa jáne ınfraqurylym salasyndaǵy ózara is-qımyldy damytýdyń eleýli áleýettiń bar ekenimen kelisti.
Basym baǵyttar qataryna agroónerkásip kesheni, ınfraqurylymdyq qurylys, kólik jáne kommýnıkasııa men týrızm jatady.
Bul máseleler Qazaqstan men Ýkraına arasyndaǵy yntymaqtastyqtyń barlyq aspektilerine serpin berý úshin naqty sheshimder ázirleý maqsatynda ótkiziletin Memleketaralyq komıssııanyń otyrysy barysynda egjeı-tegjeıli talqylanatyny atap ótildi.