Túrkistan oblysynda joǵalǵan týrısterdiń biriniń máıiti Saıram-О́gem shatqalynan tabyldy, dep habarlaıdy Egemen.kz QR TJM baspasóz qyzmetine silteme jasap.
«2021 jyldyń 12 maýsymynda О́gem ózeni kópiriniń sol jaǵynan Azarteke jotasyna deıingi baǵyttaǵy zertteýler barysynda Respýblıkalyq jedel-qutqarý jasaǵynyń qutqarýshylary Túrkistan oblysynyń Maqpalsaı shatqalynan bir adamnyń máıitin tapty. Shatqal teńiz deńgeıinen 1000 metr bıiktikte ornalasqan», dedi TJM resmı ókili Talǵat Ýálı.
Resmı ókildiń aıtýynsha, taýly releftiń, jartasty betkeılerdiń kóptiginen máıitti tikushaqpen tasymaldaý múmkin bolmady. RJQJ qutqarýshylary О́gem ózenindegi ótkeldi (aǵys jyldamdyǵy sekýndyna 20 metr) jaıaý júrip, máıitke qaraı barǵan.
«RJQT qyzmetkerleri máıitti áýe kemesine deıin jaıaý kóterip aparyp, júkshyǵyrdyń kómegimen tikushaqqa kóterdi. Tabylǵan múrde saraptama júrgizý úshin polısııa qyzmetkerlerine tapsyryldy. Izdeý jumystaryna Túrkistan oblysy TJ jáne polısııa departamentteriniń, UQK Shekara qyzmetiniń, orman sharýashylyǵynyń, О́zbekstan Respýblıkasy TJM 127 qyzmetkeri, 15 dana tehnıka, 3 kvadrokopter, 3 kınologııalyq top, 1 tikushaq jáne joǵalǵan týrısterdiń týystary jumyldyryldy. Izdeý jumystary segiz baǵyt boıynsha júrgizilýde», deıdi T. Ýálı.
Eske sala keteıik, buǵan deıin joǵalǵan úsh týrıst tabylyp, qutqarylǵan bolatyn. Eki týrıstiń máıiti tabyldy. Izdeý jumystary erteń de jalǵasatyn bolady.