Asanáli Áshimov pen Asyly Osman Almatydaǵy polısııaǵa bardy, dep habarlaıdy Egemen.kz.
Qazaqstan polısııasy kúni men Qazaqstan Respýblıkasy Táýelsizdiginiń 30 jyldyǵyn merekeleý qarsańynda jas polısııa qyzmetkerleri arasynda eldiń damýyna erekshe úles qosqan kórnekti tulǵalarmen kezdesý ótti.
Kezdesýge akter, teatr jáne kınorejısser, ssenarıst, muǵalim, Qazaqstannyń Eńbek Eri, KSRO Memlekettik syılyǵynyń laýreaty, KSRO halyq ártisi Asanáli Áshimov pen Qazaqstannyń qoǵam qaıratkeri, fılologııa ǵylymdarynyń kandıdaty, professor, elimizdiń eńbek sińirgen qaıratkeri, «Parasat» jáne ekinshi dárejeli «Dostyq» ordenderiniń ıegeri Asyly Osman shaqyrylǵan.
Qonaqtar egemen eldiń qalyptasýy týraly, Táýelsizdik jyldaryndaǵy jetistikter men tabystar jaıly aıtty. Asanáli Áshimov aıtýly kezdesýdiń qurmetine polısııa Departamentiniń murajaıyna avtorlyq kitap syılady.
«О́z kezegimizde qonaqtarǵa polısııanyń jas qyzmetkerlerimen kezdeskeni úshin, ishki ister organdarynyń jańa býyn qyzmetkerleriniń rýhanı-adamgershilik tárbıesindegi durys qadam bolyp tabylatyn mazmundy jáne qyzyqty dıalog úshin erekshe alǵysymyzdy bildiremiz», dedi Almaty qalalyq PD bastyǵynyń orynbasary Ábdýálı Nasharbekov.