Anasy 7 mln teńgege satyp jibermek bolǵan náreste balalar úıine ornalastyrylady, dep habarlaıdy Egemen.kz 24.kz-ke silteme jasap.
Bala eki aptaǵa jýyq pnevmonııadan emdelgen bolatyn. Osy aralyqta aýrýhanaǵa eshqandaı týysy izdep kelmegen. Sondyqtan ony balalar úıine jiberý týraly sheshim shyǵaryldy. Dárigerlerdiń aıtýynsha, bóbektiń qazirgi jaǵdaıy jaqsy. Esterińizde bolsa, osydan biraz ýaqyt buryn balasyn satpaq bolǵan kelinshek ustalǵan edi. «Kókek ana» qazir tergelýde.
«Biz qaýly daıyndaımyz. Negizi balany ornalastyrý úshin arnaıy resmı qujat bolady. Sol qujattardyń kishkene keshigińkirep daıyndalýyna baılanysty biz balany búgin ornalastyraıyn dep otyrmyz. Búginge deıin balanyń eshqandaı týysy kelgen joq. Biz de anasyna qylmystyq is qozǵalyp jatqannan keıin balany tikeleı Shymkent qalasyndaǵy mamandandyrylǵan bóbekter úıine ornalastyrýdy durys dep sheshtik», dedi qalalyq adamı áleýetti damytý bóliminiń bas mamany Jansaıa Orynbasarova.