Avstralııanyń soltústik terrıtorııasynda ornalasqan shóldi aımaqtaǵy jarys kezinde avtokólik kórermenderdi basyp ketken. Bir adam qaza taýyp, ekeýi jaraqat aldy, dep habarlaıdy Egemen.kz jergilikti polısııanyń aqparatyna silteme jasap.
Tártip saqshylarynyń aıtýynsha, kólik jarys jolynda joǵary jyldamdyqpen kórermender tobyna burylyp ketken.
«Soltústik terrıtorııanyń polısııasy Fınkedegi shóldi jarys kezinde bir adam qaza taýyp, eki adam jaraqat alǵan apattyń kýágerlerin izdestiredi», delingen polısııa saıtynyń habarlamasynda.
Tártip saqshylarynyń aıtýynsha, 60 jastaǵy jarys kórermeni oqıǵa ornynda qaıtys bolǵan. 50 jastaǵy er adam aýyr jaraqatpen Elıs Sprıngs aýrýhanasyna jetkizildi. Al áıel júrgizýshi jeńil jaraqat alǵan.
Apat orny qorshaýǵa alyndy. Tergeý júrip jatyr.