Aqtóbelik polıseıler zańsyz kóshi-qondy uıymdastyrǵan shet el azamatyn anyqtady, dep habarlaıdy Egemen.kz Polisia.kz saıtyna silteme jasap.
QR Ishki ister mınıstrliginiń arnaıy aldyn-alý profılaktıkalyq is sharalarynyń jospary aıasynda aǵymdaǵy jyldyń maýsym aıynyń 7 men 16 aralyǵynda respýblıkalyq «Mıgrant» jedel-profılaktıkalyq is-sharasy ótkizilýde.
Aqtóbe oblysynda «Mıgrant» jedel-profılaktıkalyq is-sharasynyń jeti kúnniń qorytyndysy boıynsha Qazaqstan respýblıkasynda bolý erejesin buzǵan barlyǵy 619 adam, onyń ishinde 360 shetel azamaty jáne 259 Qazaqstan Respýblıkasynyń azamattary ákimshilik jaýapkershilikke tartyldy.
17 shetel azamaty sottyń qaýlysymen ákimshilik jolmen el aýmaǵynan shyǵaryldy, onyń ishinde bir Qytaı respýblıkasynyń azamaty.
12 maýsymda Aqtóbe qalasy Polısııa basqarmasy Kóshi-qon polısııasy bóliminiń qyzmetkerleri zańsyz kóshi-qondy uıymdastyrǵan О́zbekstan Respýblıkasynyń 30 jastaǵy azamatyn ustady. Sheteldik azamat aǵymdaǵy jyldyń naýryz aıynda kóshi-qon zańnamasyn buzǵany úshin Aqtóbe qalasynyń ákimshilik sotynyń sheshimimen Qazaqstan Respýblıkasynan tys jerge shyǵarylǵan, óz jerlesi О́zbekstan Respýblıkasynyń azamatyna QR aýmaǵy boıynsha qonys aýdarýdy uıymdastyrǵan. Budan basqa, QR-da bolý merzimi ótken QHR-dyń segiz azamaty anyqtaldy (2021 jylǵy mamyrda), materıaldar sheteldikter men qabyldaýshy tulǵaǵa qatysty sheshim qabyldaý úshin sotqa jiberildi.