Qazaqstan tennıs federasııasynyń baspasóz qyzmeti tamyz aıynda ótetin Tokıo Olımpıadasynda tennısten el namysyn kimder qorǵaıtynyn málimdedi, dep habarlaıdy Egemen.kz.
Erler arasynan Aleksandr Býblık, áıelder arasynan: Elena Rybakına, Iýlııa Pýtınseva men Iаroslava Shvedova. Shvedova úshin bul úshinshi Olımpıada oıyndary.
Irikteý talaptaryna sáıkes, Olımpıada oıyndaryna ATP jáne WTA reıtınginiń TOP-56 qataryna kirgen ár eldiń tórt úzdik tennısshisi jáne Devıs kýbogynda nemese Federasııa kýbogynda el namysyn qorǵaǵan sportshylar qatysa alady.
Olımpıadada 33 sport túrinen 339 medal jıyntyǵy sarapqa salynady. Sondaı-aq bıyl dúbirli dodaǵa beısbol, karate, serfıng, quzǵa órmeleý jáne skeıdbordıng sekildi jańa sport túrleri qosyldy.
Al, qazaqstandyq sportshylar Tokıo olımpıadasynda el namysyn sporttyń 30 túrinen qorǵaýdy josparlap otyr.
Mádenıet jáne sport vıse-mınıstri Erlan Qojaǵapanovtyń aıtýynsha, qazaqstandyq sportshylardyń Tokıo Olımpıdasyna (jazǵy) qatysýyna memleket tarapynan 15 mlrd teńge bólinedi.