Shyǵys Qazaqstan oblysy Rıdder qalasynda besqabatty úıden órt shyǵyp, 20 adam, onyń ishinde 5 bala evakýasııalandy, dep habarlaıdy Egemen.kz.
ShQO tótenshe jaǵdaılar departamenti baspasóz qyzmetiniń málimetine súıensek, 16 maýsymda qutqarýshylarǵa kópqabatty turǵyn úıdegi páterlerdiń biri órtenip jatqany týraly habar túsken.
О́rt sóndirýshiler oqıǵa ornyna dereý jol tartty. «Belgili bolǵandaı, besinshi qabatta ornalasqan páterde ot shyqqan. Qutqarýshylar jalyndy sóndirýge kirisip, podezden turǵyndardy evakýasııalady.
Gaz-tútinnen qorǵaý qyzmetiniń mamandary jalpy sany 20 adamdy, onyń ishinde 5 balany qaýipsiz jerge kóshirdi», - dep habarlady vedomstvo ókilderi. О́rtti birinshi bolyp baıqap qalǵan páter ıesiniń anasy qutqarýshylardy shaqyrǵan. Ol jalyn sharpyǵan páterden 2 nemeresin alyp shyqty.
«О́rt sóndirýshiler 13 sharshy metr aýmaqty sharpyǵan tilsiz jaýdy aýyzdyqtady. Qyzyl jalynnyń shyǵýyna – tońazytqyshtyń apattyq rejımi sebep bolǵan. Qaza bolǵandar men zardap shekkender joq», delingen aqparatta.