Atmosferalyq aýa aǵyndarynyń ótýine baılanysty el óńiriniń basym bóliginde jańbyr jaýyp, naızaǵaı oınaıdy. Al, batysta jáne ońtústik-shyǵystaǵy taýlarda burshaq jaýady, dep habarlaıdy Egemen.kz.
«Qazgıdromet» RMK málimetteri boıynsha, tek Qazaqstannyń ońtústigi men ońtústik-batysynda jaýyn-shashyn bolmaıdy. Keı jerlerde jel kúsheıedi, ońtústikte shańdy daýyl turady, soltústikte jáne ońtústik-shyǵystyń taýly aýmaǵynda baýyl turady.
Kúndiz Jambyl oblysynda keı jerlerde jeldiń ekpini 15-20 m/s kúsheıýi kútilýde, taýlarda burshaq jaýady.
Túrkistan oblysynda shańdy daýyl soǵýy yqtımal, jeldiń kúsheıýi 15-20 m/s.
Qostanaıda, kúndiz Aqmola, Soltústik Qazaqstan, Batys Qazaqstan, Aqtóbe, Pavlodar, Shyǵys Qazaqstan oblystarynda keı jerlerde jel kúsheıedi.
Batys Qazaqstan oblysynyń keı jerlerinde burshaq jaýyp, Soltústik Qazaqstan oblysynda daýyl turady.
Mańǵystaý, Aqtóbe, Atyraý oblystarynyń ońtústiginde kúndiz keı jerlerde aptap ystyq kútiledi. Aqmola, Soltústik Qazaqstan, Pavlodar, Qaraǵandy, Qyzylorda, Batys Qazaqstan, Qostanaı oblystarynda da qatty ystyq bolady.
Qyzylorda, Túrkistan, Jambyl, Aqtóbe, Qostanaı, Aqmola, Pavlodar, Qaraǵandy, Almaty, Shyǵys Qazaqstan, Batys Qazaqstan oblystarynyń keı jerlerinde tótenshe órt qaýpi saqtalady.