AQSh-tyń Iranǵa qarsy sanksııalaryna qatysty kelissózder aıaqtalýǵa jaqyn. Bul týraly Iran prezıdenti Hasan Rýhanı el astanasy Tegeranda ótken Mınıstrler keńesiniń otyrysynan keıin aıtty, dep jazady Egemen.kz.
Rýhanı Iran prezıdenti laýazymynan ketkenge deıin Iranǵa qarsy sanksııalar joıylatynyna úmittenedi.
Memleket basshysynyń aıtýynsha, Iran bıligi basqa elderden kem degende 50-60 mıllıard dollar kóleminde nesıe alyp, ınvestısııaǵa baǵyttaǵanymen, AQSh-tyń burynǵy prezıdenti Donald Tramptyń sanksııalary bul bastamaǵa tosqaýyl qoıdy.
«Venada ıadrolyq kelisim boıynsha kelissózder jalǵasýda. Sanksııalar máselesi boıynsha biz sońǵy satyda turmyz. Bul sózdiń qanshalyqty tıimsiz ekenin bilemin. Biz sanksııalardyń kúshin joıý týraly báribir kelisimge kelýimiz kerek. Qazirgi úkimettiń merzimi aıaqtalǵanǵa deıin sanksııalar joıylady dep úmittenemiz», dedi Rýhanı.