Májilis depýtaty Gúldara Nurymovanyń málimdeýinshe, dárigerler men meıirbıkeler qujat toltyrýdyń mashaqatynan qutyla almaı júr. Bul týraly densaýlyq saqtaý júıesin sıfrlandyrý máselesine arnalǵan jıynda aıtyldy, dep habarlaıdy Egemen.kz.
«Ekinshi jyl qatarynan densaýlyq saqtaý salasy pandemııa jaǵdaıynda aýqymdy júktememen jumys istep jatyr jáne ekinshi jaǵynan, densaýlyq saqtaýdaǵy sıfrlandyrýdy qalyptastyrýdyń kúrdeli kezeńin bastan keshýde. Densaýlyq saqtaýdy sıfrlandyrý dárigerlerdiń eńbegin jeńildetken joq. Kerisinshe, dáriger men medbıkeniń jumysy kúrdelene tústi.
Biz «Nur Otan» fraksııasynyń depýtattar toby bıylǵy 2 maýsymda pasıent qabyldaýda praktıkalyq dárigerdiń qalaı jumys isteıtinine, óz jumysynda naqty qandaı problemalar bolatynyna kóz jetkizý úshin Nur-Sultan qalasynyń №5 qalalyq emhanasyna bardyq.
Kezdesý Densaýlyq saqtaý mınıstrligi, Respýblıkalyq elektrondyq densaýlyq saqtaý ortalyǵy, Damýmed, salalyq kásipodaq ókilderiniń qatysýymen uıymdastyryldy. Naýqasty qabyldaýdyń jalpy tájirıbelik dárigerdiń barlyq máselelerin kezeń-kezeńimen taldadyq», dedi depýtat Májilistiń Áleýmettik-mádenı damý komıtetinde ótken dóńgelek ústelde.
Onyń aıtýynsha, №626 buıryqqa sáıkes barlyq aýrýlar Tegin medısınalyq kómektiń kepildik berilgen kólemi (aýrýlardyń 25 toby jáne áleýmettik mańyzy bar aýrýlar: týberkýlez, onkologııa, psıhıkalyq jáne juqpaly aýrýlar, qant dıabeti) jáne Memlekettik-áleýmettik medısınalyq saqtandyrý bolyp bólinedi.
«Qarjylandyrý kózine (TMKKK nemese MÁMS) sáıkes qajetti aýrý kodyn, qajetti qyzmetterdi tabý jáne joldamaǵa durys engizý úshin dárigerge qansha ýaqyt qajet ekenin elestetip kórińiz. Mindetti medısınalyq densaýlyq saqtaý qorynyń árbir medısınalyq uıymyna ázirlenip, túsiriletin eki derekkóz (TMKKK jáne MÁMS) boıynsha aı saıynǵy qarjylandyrý jospary bolǵandyqtan, dáriger asyra oryndamaý úshin qolda bar jospardy oryndaýǵa májbúr. Qarjylandyrýdyń osyndaı kúrdeli bólinýimen shatasýlar bolady, qate jiberiledi», deıdi G. Nurymova.
Onyń aıtýynsha, Qazaqstan boıynsha medısınalyq aqparattyq júıeniń negizgi jetkizýshisi Damýmedti monopolıst dep ataýǵa bolady, onyń jumysynda kóptegen máseleler bar.
«Damý dári-dármekpen qamtamasyz etýdiń ıntegrasııalanǵan júıesi portalymen jáne fertıldi jastaǵy áıelder portalymen jáne júkti áıelder tirkelimimen ıntegrasııalanbaıdy. Dáriger derekterdi Damýmedke engizedi jáne barlyq tekserý derekteri men nátıjelerin fertıldi jastaǵy áıelder, dárilik qamtý aqparattyq júıesi portalyna qaıta engizýge májbúr bolady. Medısınalyq aqparattyq júıe ázirleýshileri óńirlerdegi jalǵyz jetkizýshiler retinde is júzinde bastapqy medısınalyq sanıtarlyq kómekke platformada qalaı jumys isteýdi talap etedi, algorıtmderdi aıqyndaıdy.
MAJ ázirleýshisi medısına qyzmetkerlerimen tikeleı jumys isteıtin menedjerlerdi keńeıtýge múddeli emes. Barlyq statıstıka-esep berý áli kúnge deıin Densaýlyq saqtaýdy damytý ortalyǵynyń eski formalary boıynsha tapsyrylady. Esep berýdiń jańa formalary joq. Barlyq esep qolmen jasalady», dedi depýtat.