Halyqaralyq menedjmentti damytý ınstıtýtynyń (IMD, Lozanna, Shveısarııa) Álemdik básekege qabilettilikti zertteý ortalyǵy 2021 jylǵy álemdik básekege qabilettilik reıtıngisiniń nátıjelerin jarııalady, dep habarlaıdy Egemen.kz.
IMD reıtıngi – kelesi faktorlardy baǵalaıtyn keshendi zertteýdiń nátıjesi: «Ekonomıkalyq qyzmet», «Úkimet tıimdiligi», «Bıznestiń tıimdiligi» jáne «Infraqurylym». 2021 jyly zertteýde álemniń 64 eli baǵalandy. Reıtıngte jetekshi orynǵa Shveısarııa ıe. Úzdik 5 elge Shvesııa, Danııa, Nıderlandy jáne Sıngapýr kiredi.
2021 jylǵy zertteý nátıjeleri boıynsha Qazaqstan Respýblıkasy ótken jylǵy reıtıngpen salystyrǵanda 7 tarmaqqa kóterilip, 35-oryndy ıelendi. Qazaqstan Portýgalııa (36 oryn), Indonezııa (37 oryn), Latvııa (38 oryn), Ispanııa (39 oryn), Slovenııa (40 oryn), Úndistan (43 oryn), Reseı (45 oryn), Túrkııa (51 oryn) sııaqty elderden alda keledi.
Bıyl Qazaqstan reıtıngtiń barlyq faktorlary boıynsha óz pozısııasyn jaqsartty.
«Úkimettiń tıimdiligi» faktory boıynsha Qazaqstan óz pozısııasyn 8 tarmaqqa jaqsartyp, 21 orynǵa turaqtady. Jaqsarý barlyq 5 sýbfaktor boıynsha pozısııalardyń artýymen túsindiriledi, atap aıtsaq: «Memlekettik qarjy» – 19 oryn, «Salyq saıasaty» – 5 oryn, «Instıtýsıonaldyq orta» – 46 oryn, «Bıznes týraly zańnama» – 25 oryn jáne «Qoǵamdyq qurylys» – 29 oryn.
«Bıznestiń tıimdiligi» faktory boıynsha Qazaqstan pozısııasynyń 6 tarmaqqa – 28 orynǵa deıin jaqsarǵany baıqalady. Osy faktor aıasynda 4 sýbfaktor boıynsha kórsetkishter jaqsardy. Qazaqstannyń «Eńbek naryǵy» sýbfaktory boıynsha pozısııasy – 20 oryn, «Qarjy» – 46 oryn, «Menedjment praktıkasy» – 13 oryn, «Qatynastar men qundylyqtar» – 23 oryn.
«Ekonomıkalyq qyzmet» faktory boıynsha Qazaqstan úsh pozısııaǵa kóterilip, 45-orynǵa ıe boldy. Jaqsarý barlyq bes sýbfaktor boıynsha pozısııalardyń artýymen túsindiriledi: «Ishki ekonomıka» – 37-oryn, «Halyqaralyq saýda» – 58-oryn, «Syrtqy ınvestısııalar» – 47-oryn, «Jumyspen qamtý» – 24-oryn jáne «Baǵalar» – 13-oryn.
«Infraqurylym» faktory boıynsha Qazaqstan tórt pozısııaǵa kóterilip, 47-oryndy ıelendi. Úsh sýbfaktor boıynsha pozısııalardy kóterý jaqsy nátıje kórsetti: «Bazalyq ınfraqurylym» – 25-oryn, «Ǵylymı ınfraqurylym» – 57-oryn, «Densaýlyq saqtaý jáne qorshaǵan orta» – 55-oryn.
Respondentterdiń pikirinshe, Qazaqstan Respýblıkasy ekonomıkasynyń neǵurlym tartymdy bes faktorynyń qataryna qolaıly bıznes-orta (respondentterdiń 60%-y), ekonomıkanyń serpindiligi (46,4%), qarjylyq jaǵdaıǵa qoljetimdilik, saıasattyń turaqtylyǵy men boljamdylyǵy (42,7%) jáne salyq júıesiniń básekege qabilettiligi jatady (40,9%).
Buǵan deıin Boston Consulting Group Sustainable Economic Development Assessment 2021 (08.06.2021 j) jańartylǵan zertteýi sheńberinde Qazaqstan ekonomıkasynyń ekonomıkalyq ornyqtylyq, ınfraqurylym sapasy, memlekettik ınstıtýttar men qyzmetter sııaqty kórsetkishteri boıynsha baǵalaýyn arttyrdy.