Taldyqorǵan mańynda kólik apatynan eki adam mert boldy. Oqıǵa Kóksý aýdanynyń Alǵabas aýylynyń mańynda bolǵan, dep habarlaıdy Egemen.kz.
19 maýsym kúni saǵat 22:50 shamasynda Almaty-О́skemen tasjolynyń 225-shaqyrymynda kólik apaty boldy.
«Mıtsýbısı Galant» kóliginiń 36 jastaǵy júrgizýshisi araqashyqtyqty saqtamaı «Skanııa 124» júk kóligine soǵylǵan. «Mıtsýbısı Galant» kóliginiń jolaýshysy mert boldy. Osy kóliktegi taǵy bir adam aýrýhanada jan tapsyrdy.
«Osy jeńil avtokóliktiń taǵy eki jolaýshysy túrli dene jaraqatymen emdeý mekemesine tústi. Qazir atalǵan faktige sáıkes QR QK 345 baby 4 bóligi boıynsha sotqa deıingi tergeý bastaldy», delingen Almaty oblystyq polısııa departamenti baspasóz qyzmeti jarııalaǵan habarlamada.