Kazakh Tourism UK AQ Almaty oblysynyń týrızm basqarmasy jáne Qazaqstandyq týrızm assosıasııamen birlesip «Kólsaı kólderi» ulttyq parkinde týrıst qabyldaıtyn úı ıeleri úshin alǵashqy praktıkalyq semınar ótkizdi, dep habarlaıdy Egemen.kz.
Úsh kúndik is-shara sheńberinde qazaqstandyq týroperatorlar men basqa óńirlerden kelgen týrıst qabyldaıtyn úı ıeleri úshin aqparattyq týr, aýyldarda tamaqtandyrýdy uıymdastyrý, qolónershilik jáne týrızmdi turaqty damytý boıynsha oqytý trenıngteri men semınarlar uıymdastyryldy.
«Qazaqstan bıyl CBT týrızminiń baǵyty retinde Lonely Planet iri halyqaralyq basylymy boıynsha úzdik destınasııalary tizimine endi. Iаǵnı, bizdiń elimizde, dálirek aıtsaq, Kólsaı men Almaty oblysynyń basqa bólikterinde álemdegi eń jaqsy qonaq úılerdiń biri bar», deıdi Qazaqstan týrıstik assosıasııasynyń dırektory Rashıda Shaıkenova.
Sonymen qatar Mádenıet jáne sport mınıstrligi tarapynan jaqynda qabyldanǵan týrızm salasyndaǵy memlekettik qoldaýdyń jańa sharalaryn túsindirý boıynsha jergilikti qoǵamdastyqpen kezdesýi ótti.
«Týrıstik obektilerdi salýǵa nemese qaıta jańartýǵa, týrıstik kólik satyp alýǵa, jol boıyndaǵy servıs obektilerin salýǵa jáne olardy kútip-ustaýǵa, týrıstik alymdy ákimshilendirýdi jergilikti atqarýshy organdar júzege asyrady dep josparlanýda. Bul sharalar 2022 jyldyń qańtarynan bastap kúshine enedi», dedi MSM Týrızm ındýstrııasy komıteti tóraǵasynyń orynbasary Aıdos Sákenov.
Almaty oblysy týrızm basqarmasynyń basshysy Janar Alshymbaeva Almaty oblysy elimizde ekotýrızmdi damytý, sonyń ishinde týrıst qabyldaıtyn úıler sany boıynsha kóshbasshyǵa aınalǵanyn atap ótti.
«Bul kóp jylǵy eńbektiń, jergilikti halyqty úzdiksiz oqytýdyń jáne óńirdiń oılastyrylǵan strategııasynyń nátıjesi. Qabyldanǵan qoldaý sharalary bizdiń salany jańa sapaly deńgeıge shyǵarýǵa kómektesedi», deıdi ol.
Qazirgi ýaqyttyń úrdistterine sáıkes, ekotýrızm búkil álemde týrızmniń basym túrine aınaldy, ol álemdik aǵynnyń 30% quraıdy. Qazaqstanda da ekotýrıster úlesiniń ulǵaıýy baıqalady. Barlyq ishki týrıstik aǵynnyń shamamen 20%-y ulttyq parkterge tıesili.
«Kólsaı kólderi» ulttyq parki, atap aıtqanda Saty aýyly, bul jergilikti halyqtyń týrısterden ekonomıkalyq, áleýmettik jáne ózge de naqty paıda ala otyryp, týrızmdi damytýǵa qalaı tartylýy múmkin ekendiginiń aıqyn mysaly. Biz týrızmniń osy túrin tanymal etýge jáne Saty tájirıbesin búkil Qazaqstanǵa kórsetkimiz keledi», deıdi Kazakh Tourism UK AQ týrıstik ónimderdi damytý departamentiniń dırektory Danıel Serjanuly.
Bir qyzyǵy, eki jyl buryn Saty aýylynda barlyǵy 53 týrıst qabyldaıtyn úı jumys istedi, al qazir olardyń sany 81-ge jetti. Qonaq úıler sany da ósýde, eger 2019 jyly munda 8 nysan bolsa, bıyl 29 qonaq úı jumys isteıdi.
Bıyl elimizdiń táýelsizdiginiń 30 jyldyǵy merekesi, osyǵan dál Saty aýylynda Kolsay CBT Workshop is-shara aıasynda 23 nómirli 30-shy qonaq úıdiń saltanatty ashylýy ótti. Sonymen qatar qaıta qurý men keńeıtýden keıin 160 oryndyq eko-qonaq úı ashyldy.
Sondaı-aq is-shara sheńberinde pakettelgen týrıstik usynystardy ornalastyrýǵa arnalǵan Forte Travel mobıldi qosymshasy tanystyryldy. Týrbıznes ókilderi atap ótkendeı, mundaı qural halyqtyń josparlanǵan demalys mádenıetin arttyrýǵa múmkindik beredi.
Is-sharaǵa bıznes-qoǵamdastyqtan basqa «Atameken» Ulttyq kásipkerler palatasy, sondaı-aq Aqtóbe, Qaraǵandy, Shyǵys Qazaqstan, Túrkistan oblystarynyń salalyq týrızm basqarmalarynyń ókilderi qatysty.